विराटनगर / कोशी प्रदेश प्रहरी कार्यालय बिराटनगरमा संचानल गरेको ७ दिने प्रहरी आचरण ब्यबहार तथा नैतिक शिक्षा सम्बन्धी तालिमको समापन भएको छ ।
सो कार्यक्रम कोशी प्रदेश प्रहरी कार्यालय बिराटनगरको सभाहलमा साउन २९ गतेबाट संचालन गरिएको थियो । उक्त तालिमको आज प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाको प्रमुख आतिथ्यतामा सम्पन्न भएको छ।
समापन कार्यक्रममा बोल्दै प्रहरी प्रमुख बास्तोलाले तालिममा सिकेका सिप, ज्ञानहरुलाई आफुलाले खटिने कार्य क्षेत्रमा व्यवहारमा उतार्न निर्देशन दिएका छन ।
उक्त समापन कार्यक्रममा प्रहरी वरिष्ठ उपरीक्षक जयराज सापकोटा सहित अन्य प्रहरी अधिकृतहरुको समेतउपस्थिति रहेको थियो। तालिममा कोशी प्रदेश मातहतका जिल्लाहरुमा सादा पोशाक तथा सिमावर्ती ईलाकामा लामो समय सम्म कार्यरत रहेका जि.प्र.अ.देखी प्र.ज.सम्मका २४ जना प्रहरी कर्मचारीहरुको सहभागिता रहेको थियो ।
