_1693980289.gif "#")
धरान / गत सोमबार संघिय सरकारले प्रस्तुत गरेको बजेटमा धरान उपमहानगरपालिकाको लागि गत वर्षको तुलनामा ७ दसमलब ४५ प्रतिशतले बजेटमा वृद्धि भउको छ।
अर्थमन्त्री प्रकाश शरण महतले प्रस्तुत गरेको २०८०र८१ को बजेटमा धरान उपमहानगरपालिकाको लागि कुल ९० करोड २ लाख रुपैया बिनियोजन गरेको छ ।
अघिल्लो वर्ष ८३ करोड ४ लाख रुपैया बिनियोजन गरेको थियो ।
प्रस्तुत बजेट अनुसार चालू तर्फ ७७ करोड ७६ लाख र पुँजीगत तर्फ १२ करोड २६ लाख रहेको छ ।बिनियोजन बजेटमा समानीकरण अनुदानमा न्युनतम अनुदान ८ करोड २५ लाख, सुत्रमा आधारित अनुदानमा २१ करोड ७५ लाख र कार्यसम्पादनमा अनुदानमा ५२ लाख गरि कुल ३० करोड ५२ लाख रुपैया रहेको छ ।
त्यसै गरि सशर्त अनुदान तर्फ चालु खर्चमा ४७ करोड २४ लाख, पुँजीगत तर्फ ३ करोड ६ लाख गरि ५० करोड ३० लाख, विशेष अनुदान तर्फ पुँजीगततर्फ ३ करोड २० लाख र समपुरक तर्फ ६ करोड बिनियोजन गरेको छ ।
