सुनसरी / कोशी प्रदेश सरकार गठनविरूद्धको मुद्दा हेर्न नभ्याइने सुचिमा परेपछि आइतबार हुने भनिएको सुनुवाई पछि सरेको छ ।
आइतबार सर्वोच्चमा न्यायाधीश आनन्दमोहन भट्टराईको एकल इजलासमा पेशी तोकिएको थियो । समय अभावका कारण आजको पेशी हेर्न नभ्याइने सूचिमा परेको हो ।
आज मुख्यमन्त्री विरुद्धको पेशी दसौं नम्बरमा थियो । कोशी प्रदेशको प्रमुख प्रतिपक्षी दल नेकपा एमालेले मुख्यमन्त्री बनाउन सभामुखले हस्ताक्षर गर्नु संविधानविपरीत रहेको भन्दै शुक्रबार सर्वोच्चमा रिट दर्ता गरेको थियो।
