धरान/ राष्ट्रिय स्वतन्त्र पार्टी स्थापना भएको एक वर्ष पुगेको अवसरमा असार ७ गते ७७ जिल्लामा एकै साथ ७७ पटक घण्टी बजाएर मनाउने भएको छ ।
स्वतन्त्र पार्टी सभापति रवि लामिछानेले स्थापना दिनको अवसरमा साँझ ७ बजे सातै प्रदेश र ७७ जिल्लामा एकसाथ ७७ पटक आफ्नो घरमा, मन्दिरमा, आफू काम गर्ने कार्यालयमा घण्टी बजाउन आह्वान गरेका छन्।
उनले घण्टी बजाएको भिडियो सामाजिक सञ्जालमा ह्यासट्याग बज्यो घण्टी राखेर पोस्ट गर्न समेत आग्रह गरेका छन्। गत वर्ष ७ असारमा रास्वपा गठन भएको थियो।
