ताकेतापछि सडक निर्माण शुरु

 गाईघाट / निर्माण व्यावसायीको धरौटी रकमबाट खर्चहुने गरि आज बाट गाईघाट–दिक्तेल सगरमाथा लोकमार्ग अन्तर्गत महुरे–सिम्पानी सडक खण्डको काम हुने भएको छ ।

नेपाली कांग्रेस कोशी प्रदेश महामन्त्री एवं नेपाली कांग्रेस कोशी प्रदेश संसदीय दलका प्रमुख सचेतक भुपेन्द्र राईको निरन्तर ताकेता पस्चात निर्माण व्यावसायीको धरौटी रकमबाट खर्चहुने गरि सडक विभागले सडक मर्मतको काम आफै सुरु गर्ने भएको हो ।

सो सडक निर्माणको जिम्मा पाएका निर्मासण व्यावसायी भारत कन्ट्रक्सन र सिद्धिसायी कम्पनिले यहि असार सम्ममा सडक निर्माण कार्य सम्पन्न गनुपर्ने छ तर निर्माण व्यावसायी कार्यालयको सम्पर्क भन्दा बाहिर रहेकोले कार्यालयले निर्माण व्यावसायीहरुको धरौटी बाट रकम काटिने गरि आफै मर्मतको कार्य थालेको हो ।

सोमबार देखि कार्यालयबाट २ ओटा टिपर र १ ओटा जेसिभि बाटो मर्मतको लागि गएको थियो । निर्माण व्यावसायी लामो समय देखि सम्पर्क विहिन भए उनको प्रारम्भीक कार्वाहिको रुपमा निजको धरौटी रकमबाट खर्च हुने गरि सडक विभागले बाटो मर्मत गर्न लागेको सडक विभाग उदयपुरका प्रमुख गोपाल खकुरेलले बताए ।

यस्तै प्रमुख सचेतक राईले सरकारलाई खबरदारी गर्दै भनेका छन् “ सरकार खबरदार ! निर्माण व्यवसायीको फन्दामा परी ऐन, नियम संसोधन गर्ने र कामै नगर्ने निर्माण कम्पनीहरुको पटक–पटक म्याद थप्ने काम नहोस ।”