मोरङ / नेपाल विजनेश कलेजले आफ्नो सप्ताहव्यापी खेलकुद कार्यक्रम सम्पन्न गरेको छ । विरानटगर ११ मा रहेको कलेजले माघ १ गतेदेखि ६ गतेसम्म सप्ताव्यापी खेलकुद कार्यक्रमको आयोजना गरेको थियो ।
प्रतियोगीतामा कलेजले फुटबल, भलिबल, क्रिकेट, टेवलटेनिस, व्याडमिन्टन, १सय मीटर दौड र स्पुन रेस जस्ता खेल समावेश गरेको थियो ।
खेलकुदको माध्यमबाट विधार्थीहरुलाई अनुशासित बनाउदै स्वास्थ्य प्रतिको चेतना अभिवृद्धी गर्ने उद्देश्यले कलेजले सप्ताहव्यापी खेलकुद कार्यक्रमको आयोजना गरिएको कलेजले जनाएको छ । सप्ताह व्यापी खेलकुद कार्यक्रममा कलेजका वि.वि.ए., वि.आई.टी र एम. वि.ए. अध्ययनरत विधार्थीहरुले सहभागिता जनाएका थिए ।
कार्यक्रमको आयोजना भने वि.वि.ए. आठौ सेमेष्टरमा अध्ययनरत विधार्थीहरुले गरेका थिए । सोही अवसरमा कलेजले शनिवार होटल इस्र्टन स्टारमा कलेजबाट वि.वि.ए. तथा एम.वि.ए. अध्ययन पूरा गरेका विधार्थीहरुको उपस्थितिमा नविना खत्रीको अध्यक्षतामा ११ सदस्यीय ‘अल्मुनी एसोसिएसन’ समेत गठन गरिएको कलेजले जनाएको छ ।
समापन कार्यक्रमकै दिन कलेजले वि.वि.ए., वि.आई.टी तथा एम.वि.ए. मा नयाँ भर्ना भएका विधार्थीहरुको स्वागतार्थका लागी स्वागत कार्यक्रम समेत राखेको थियो । कार्यक्रममा कलेजमा अध्ययनरत ३५० भन्दा बढी विधार्थिहरुको सहभागीता रहेको थियो । कलेजका संंस्थापक अध्यक्ष भेषप्रसाद धमलाको प्रमुख अतिथित्यमा सम्पन्न कार्यक्रममा वि.वि.ए.चौथो सेमेष्टरमा अध्ययनरत विधार्थीहरुले आयोजना गरेका थिए । लिंकन विश्वविधालय मलेसीयाबाट सम्बन्धन प्राप्त उक्त कलेजमा वि.वि.ए., वि.आई.टी. र एम.वि.ए. कार्यक्रम सञ्चालनमा रहेका छन् ।