_1693980289.gif "#")
सुनसरी / केन्द्रमा फेरिएको गठबन्धनको प्रभाव ३ महिना पछि कोशी प्रदेशमा पनि परेको छ ।
नेकपा (माओवादी केन्द्र) का अध्यक्ष पुष्पकमल दाहाल प्रचण्डलाई प्रधानमन्त्रीमा नेपाली काङ्ग्रेसले बिश्वासको मत दिएपछी एमाले र स्वतन्त्र पार्टीसङको गठबन्धन तोडिएको थियो ।
त्यसको ३ महिना पछि माओबादीले कोशी प्रदेशमा एमालेलाइ दिएको समर्थन फिर्ता लिदै काङ्ग्रेसको समर्थनमा सरकार बनाउने भएको छ ।
मंगलबार बसेको माओवादी केन्द्रको प्रदेश पदाधिकारी बैठकले सरकारबाट बाहिरिने र समर्थन पनि फिर्ता लिने निर्णय गरेको प्रदेश कमिटी सचिव गणेश उप्रेतीले जानकारी दिए। प्रदेश पदाधिकारीको निर्णयलाई अब माओवादी प्रदेश संसदीय दलले अनुमोदन गर्नेछ।
माओवादीले समर्थन फिर्ता लिएसँगै एमालेका हिक्मत बहादुर कार्की नेतृत्वको सरकार अल्पमतमा परेको छ।
यसअघि सोमबार विराटनगरमा बसेको प्रदेश ससदीय दलको बैठकले दलका नेता इन्द्र आङ्बोको नेतृत्वमा नया सरकार बनाउन पहल गर्ने निर्णय गरेको थियो ।
सत्ता साझेदार माओवादीले साथ छाडेपछि अब मुख्यमन्त्री कार्कीसँग एमालेका ४० र राप्रपाका छ जना गरी ४६ जना मात्रै सासद रहेका छन्।
कोशी प्रदेश सरकारबाट जेठ १७ मा जसपा बाहिरिएको थियो।
