दुहबी /सुनसरीको दुहबी ५ स्थित बजार क्षेत्रको ४ प्लट(२ बिगाह) क्षेत्र खाली गराइनुका साथै नगरपालिका भित्र रहेको अवैध संरचना समेत हटाइने भएको छ ।
दुहबी नगरपालिकाको बिहिवारको कार्यपालिका बैठकले निर्णय गर्दै हटाउनको लागि ३५ दिने सूचना जारी गर्ने निर्णय भएको दुहबी नगरपालिकाका प्रवक्ता बिजय कुमार चौधरीले बनाए ।
नगरपालिकाले दुहबीको मुख्य बजार क्षेत्रको २ बिगाह क्षेत्रमा बनेको स्थायी र अस्थायी घर टहरा लगायत दुहबीको विभिन्न वडामा रहेको अवैधरुपमा बनेको भौतिक संरचना हटाउने तयारी थालेको नगरपालिकाका प्रवक्ता बिजय कुमार चौधरीले बताए ।
काठमाडौं लगायत देशभर अब्यबस्थित घर टहरा र अवैध संरचना हटाउने क्रम जारी रहेको बेला दुहबी नगरपालिकाले समेत आफ्नो क्षेत्राधिकारभित्र पर्ने अब्यबस्थितरुपमा निर्माण भएका स्थायी र अस्थायी भौतिक संरचना हटाउने तयारी थालेको हो ।
