धरान / धरान–१२ स्थित सुनाखरी एकेडेमीले कक्षा ११ मा अध्ययनरत् आप्mना विद्यार्थीहरूलाई बिहीबार प्रतिवेदन लेखनसम्बन्धी प्रशिक्षण दिएको छ ।
प्रशिक्षण लिएका विद्यार्थीहरूलाई शुक्रबार भ्रमणमा लगिने र सोही भ्रमणबारे प्रतिवेदन लेख्न लगाइने एकेडेमीका प्राचार्य मिलन राईले बताए । विद्यार्थीले लेखेका प्रतिवेदनमध्ये पहिलो, दोस्रो, तेस्रो र चौथोलाई पुरस्कार पनि प्रदान गरिने एकेडेमीका निर्देशक प्रदीप राईले जनाए ।
उनीहरूलाई महेन्द्र बहुमुखी क्याम्पसका उपप्राध्यापक राजेश विद्रोहीले सहजीकरण गरेका थिए । त्यस क्रममा विद्यार्थीहरूलाई प्रतिवेदनको अर्थ, महत्व, उद्देश्य, ढाँचाजस्ता विषयमा जानकारी दिइएको प्रशिक्षक विद्रोहीले बताए । सो अवसरमा एकेडेमीअन्तर्गत कक्षा ११ र १२ का संयोजक तपकुमार राई पनि उपस्थित थिए ।
विद्यार्थीहरूको पठनपाठनमा थप बल पु¥याउन प्रयोगात्मक किसिमको कार्यक्रम राखिएको प्राचार्य राईको भनाइ छ । विद्यालयले यस्तो कार्यक्रम हरेक वर्ष आयोजना गर्ने गरेको छ ।
