सुनसरी १ मा ७ हजार बढी मत गन्दा माओवादीका मुकेशको अग्रता कायमै

धरान/ सुनसरी निर्वाचन क्षेत्र नं १ मा लोकतान्त्रिक वाम गठबन्धनका उम्मेद्वार मुक्सामहाङ् मेन्याङ्बो (मुकेश) ले अग्रता कायमै राखेका छन् ।
गणना भएको ७ हजार ४ सय ३६ मत मध्ये सत्ता गठबन्धनको तर्फबाट उम्मेद्वार बनेका मुकेशले १ हजार ५ सय ५५ प्राप्त गर्दै अग्रता कायमै राखेका हुन् । निकटतम प्रतिद्वन्दी एमाले जसपाका साँझा उम्मेद्वार अशोक राई राईले १ हजार ३ सय ४१ मत प्राप्त गर्दै उनलाई पछ्याइरहेका छन् ।
यस्तै, राष्ट्रिय स्वतन्त्र पार्टीकी गोमा तामाङ (सरिन) ले १ हजार २ सय ८८ मत पाएकी छिन् भने राप्रपाका उम्मेद्वार अशोक राई (अविरल)ले १ हजार ५६ मत पाएका छन् । खरायो चुनाव चिह्न भएका स्वतन्त्र उम्मेद्वार मनोजकुमार मेन्याङ्बोले १ हजार १सय५४ मत पाएका छन् । हर्क साम्पाङ समुह स्वतन्त्र उम्मेद्वार तर्क मगरले २सय९ मत पाएका छन् ।