_1693980289.gif "#")
इटहरी/ राजधानी काठमाडौंमा पत्रकार सुरेश रजककाे मृत्यु भएको घटनाको विरोधमा नेपाल पत्रकार महासंघ सुनसरी शाखाले पनि विरोध प्रदर्शन गरेको छ। इटहरीमा आज भएको विरोध कार्यक्रममा पत्रकार महासंघका पदाधिकारी, विभिन्न सञ्चारमाध्यममा कार्यरत पत्रकारहरू र नागरिक समाजका प्रतिनिधिहरू सहभागी भएका थिए। उनीहरूले पत्रकारको सुरक्षाको माग गर्दै सरकारलाई तत्काल छानबिन गर्न र दोषीमाथि कारबाही गर्न आग्रह गरे। नेपाल पत्रकार महासंघ सुनसरीका पदाधिकारीहरूले पत्रकारहरूलाई जोखिमयुक्त वातावरणमा काम गर्न बाध्य बनाइएको भन्दै निन्दा गरे। साथै, घटनाबारे सत्यतथ्य सार्वजनिक गर्न सरकारलाई दबाब दिएका छन्। हिजाे, चैत १५ गते काठम
धरान/धरान रंगशालामा शनिबार साँझ ६:३० बजे गोधुली रनिङ कप फुटबल प्रतियोगिताको रोमाञ्चक खेलमा वडा नं. ११ र वडा नं. ५ भिड्दैछन्। २५ औं संस्करणको गोधुली रनिङ कपमा १४ नं. वडाले ६ नं. वडालाई पराजित गर्दै सेमिफाइनलमा स्थान सुरक्षित गरेको छ। शुक्रबार साँझ ७ बजे धरान रंगशालामा भएको प्रतिस्पर्धात्मक खेलमा १४ नं. वडाले संघर्षपूर्ण जित निकाल्दै अन्तिम चारमा प्रवेश पायो। पहिलो हाफ गोलरहित बराबरीमा सकिए पनि दोस्रो हाफमा खेलमा उत्साहजनक मोड आयो। खेलको ५३ औं मिनेटमा पाएको फ्रिकिकलाई आशिष पुरीले गोलमा परिणत गरे। ६ नं. वडाका गोलकिपर आयुष लिम्बू बल रोक्न असफल भएपछि पुरीको प्रहारले जाली चुम्यो। ६ नं. वडा
चतरा/ वराहक्षेत्र नगरपालिका अन्तर्गत होटल तथा होमस्टे सञ्चालकहरूलाई लक्षित गरी हस्पिटालिटी व्यवस्थापन सम्बन्धी तालिम सम्पन्न भएको छ। नगरपालिकाको आर्थिक विकास शाखामार्फत आयोजित उक्त तालिम चतरा स्थित चतरा सामुदायिक बहुउद्देश्यीय सहकारी संस्थाको सभाहलमा तीन दिनसम्म सञ्चालन भयो। तालिममा वराहक्षेत्रका पर्यटकीय क्षेत्रमा रहेका होटल, होमस्टे तथा नगरपालिकाका प्रमुख बजार क्षेत्रका व्यवसायीहरूको सहभागिता रहेको थियो। तालिमको समापन समारोहमा नगर प्रमुख रमेश कार्कीले सहभागिहरूलाई प्रमाणपत्र प्रदान गरेका थिए। समापन कार्यक्रममा व्यवसायीहरूले नगर प्रमुखको रोहबरमा सात बुँदे प्रतिबद्धता पत्रमा हस्ताक्षर गरे।
धरान/ २५औं संस्करणको गोधुली रनिङ कप फुटबल प्रतियोगितामा डिफेन्डिङ च्याम्पियन १३ नं. वडा पराजित हुँदै प्रतियोगिताबाट बाहिरिएको छ। बिहीबार साँझ धरान रंगशालामा सम्पन्न खेलमा १३ नं.वडा १५ नं. वडासँग टाइब्रेकरमा ५-४ गोल अन्तरले पराजित भयो। प्रतिष्पर्धात्मक खेलको निर्धारित समय गोलरहित बराबरीमा सकिएपछि नतिजा टाइब्रेकरमा पुगेको थियो। टाइब्रेकरमा १५ नं. वडाका असित मगर, मदन लाबुङ, आसुतोष राई, नगेन राई र प्रविण लिम्बूले गोल गरे भने १३ नं. वडाका इक्साहाङ लिम्बू, अविनास राई, सुशान्त राई र मिलन घिमिरेले मात्र गोल गर्न सके। टिम क्याप्टेन निश्चल श्रेष्ठको प्रहार १५ नं. वडाका गोलकिपर प्रविण लिम्बूले रो
इलाम/ इलामको सूर्योदय–१ मकरजुङका ९३ वर्षीय तुलसीराम अधिकारीलाई आँगन छेउको बाटो कालोपत्र भइरहेको देख्दा सपना जस्तै लागिरहेको छ । सडक छेउमा उभिएर स्तरोन्नति भइरहेको सडक नियाल्दै अधिकारीले भने, ‘हाम्रो गाउँको बाटो यतिको काइदा हुन्छ भन्ने कल्पना पनि थिएन । सपना हो कि विपना हो जस्तो लागिरहेको छ । ’उनी मात्र होइन हिलो, धुलो र खाल्डाखुल्डीले आजित भएका यहाँका सबैजसो नागरिक स्थानीय सरकारले सडक स्तरोन्नति हुन थालेपछि उत्साहित देखिएका छन् । सूर्योदय नगरपालिकाका प्रत्येक वडामा एक–एक वटा ‘अल वेदर’ सडक छन् । वडाका सबै गाउँमा जोडिने बाह्रमासै सञ्चालन हुने &lsqu
विराटनगर/ ‘ह्वीलचेयर’को प्रयोग गरी अपाङ्गता भएकाले ठुलो परिमाणमा तस्करी गर्ने गरेको आरोप लागेसँगै पछिल्लो समय स्थानीय प्रशासनले कडाइ गर्न थालेको छ । भारतको जोगवनीबाट दैनिक उपभोग्य वस्तु ल्याएर उनीहरूले विराटनगरका व्यापारीलाई बिक्री गर्ने गरेको थाहा भएपछि प्रशासनले कडाइ थालेको हो । उनीहरूले त्यसबापतको भन्सार महसुल तिर्दैनन्, व्यावहारिक समस्या हेरेर प्रशासनले पनि खासै वास्ता गरेको थिएन ।तर, अपाङ्गता भएकाहरू भने सरकारले रोजगारीको ग्यारेन्टी नगरेका कारण जीविकोपार्जनका लागि सीमापारिबाट सामान ल्याएर बिक्री गर्नुपर्ने आफूहरूको बाध्यता रहेको बताउँछन् । उनीहरूले सरकारसँग रोजगारीको व
नवराज विष्ट चतरा ।कोसी नदीको कटान रोक्न बराहक्षेत्र–२ स्थित पुल्ठेगौंडामा २५ सय कन्क्रिट टेट्रापोड्स लगाइँदैछ । कोसी प्रोजेक्टअन्तर्गत बिहार जल संशाधन विभागले बर्खामा हुने क्षति रोक्न टेट्रापोड्स लगाउन थालेको हो । ४ टन बराबरको एउटा टेट्रापोड्स यो पटक २ हजार ५ सय वटा लगाइने इन्जिनियर अशोककुमार मण्डललाई उद्धृत गर्दै स्थानीय प्रतिनिधि सुमन पौडेलले जानकारी दिए ।विशेष गरी समुद्रमा देखिने यस्ता टेट्रापोड्स नेपालमा कोसी नदीमा पहिलो पटक लगाइँदैछ । ३८ वटा फर्माबाट निर्माणको काम थालिएको प्रतिनिधि पौडेलले बताए । पुल्ठेगौंडास्थित १२ नम्बर स्परमा टेट्रापोड्स लगाइँदैछ । जसका लागि ५८ हजार बोरा सिमेन्
काठमाडौं ।एलिसन हस्पिटालिटी प्रा.लि.को आयोजनामा नेपालमै पहिलोपल्ट पर्यटनको प्रोजेक्ट बनाएर सोकेस गरिने मिति परिवर्तन गरिएको छ । अहिले केही युनिभर्सिटिको परीक्षा रहेको र केहीको परीक्षा सुरु हुन लागेका कारण विद्यार्थीहरुको अनुरोधलाई स्विकार र प्रतिष्पर्धीहरुको सहजतालाई ध्यानमा राखी कार्यक्रमको सोकेस मिति परिवर्तन गरिएको आयोजकले प्रेस विज्ञप्ति प्रकाशन गरी जानकारी दिएको छ । इन्जिनियरिङ अध्ययन गरिरहेका विद्यार्थीहरुले कोशी प्रदेशमा गएर स्थलगत अध्ययन गरी सो क्षेत्रको पर्यटनसँग सम्बन्धित प्रोजेक्ट तयार गर्नुपर्ने हुन्छ । आयोजकका अनुसार पहिलो चरणमा कोशी प्रदेशको पर्यटन प्रोजेक्ट बैंक तयार गर्न लागिए
म नरहेपनि -रहिरहनेछ यो धरती म मरेपनि -बाँचिरहनेछ यो दुनियाँ मेरो प्राण रोकिएपनि - चलिरहनेछ यो बतास । उसैगरी प्रत्येक बिहान उदाउने छ घाम हलो-कोदालो बोकेर मेलापात जानेछन् किसानहरु पुस्तक बोकेर विद्यालय जानेछन् बालबालिकाहरु उधोग- कलकारखाना तर्फ लामबद्धहुनेछन् मजदुरहरु । उजेली लिएर आउँदैछ जून डाँडामाथिको घामलाई जुवामा नापेर घर फर्कदैछन् गोठालाहरुहतार घर फर्कदैछन् बजार गएकाहरु मैले जस्तै सुनौलो विहानीको सपना देखिरहेछन् स्वप्नदर्शीहरू । म नहुँदा आकास खस्ने छैनपाताल भासिने छैनसगरमाथा झुक्ने छैन महासागर सुक्नेछैन म नहुनु, मात्र म नहुनु हो, सपनाहरूको अन्त्य होइन । मेरो जीवन रोकिनु, सृष्टि र
सनुसरी । बुधबार विहानदेखि इटहरीको सेन्ट्रल प्लाजामा लागेको आगो ६ घण्टापछिको लामो प्रयासपछि दिउँसो मात्रै नियन्त्रणमा आएको छ । आगलागीको कारण भने खुल्न नसकेको र क्षतीको बिवरण संकलन भैरहेको इलाका प्रहरी कार्यलय इटहरीका प्रहरी नायब उपरिक्षक लक्ष्मी भण्डारीले बताए । प्लाजाको पाँचौँ र छैटौँ तलामा बिहान साढे ९ बजे देखी लागेको भएको थियो । आगलागी नियन्त्रणका लागि झापा, मोरङ र सुनसरीका विभिन्न स्थानीय तहका एक दर्जनबढी स्थानीय तहका दमकल प्रयोग गरिएको थियो भने नेपाली सेना, सशस्त्र र जनपथ प्रहरी गरी ३ सय ५० जनाभन्दा बढी सुरक्षाकर्मी खटिएका थिए । आगलागी भएपछि उक्त भवनमा फसेका ११ जनाको उद्धार गरिएको थियो ।
_Poush 22_1736170149.jpg "#")