धनकुटा/ धनकुटा जिल्लाको साँगुरीगढी गाउँपालिका–९ स्थित झण्डी डाँडा पर्यटकीय दृष्टिले महत्वपूर्ण गन्तव्यको रूपमा स्थापित हुँदै गएको छ। समुद्र सतहदेखि करिब १,३८० मिटर (४,५२७ फिट) उचाइमा अवस्थित यस डाँडाबाट मौसम खुलेको बेला तराईका फाँटहरूदेखि भारतको पश्चिम बंगालसम्मका दृश्यहरू अवलोकन गर्न सकिन्छ। झण्डी डाँडाले पर्यटकलाई मनोरम दृश्यहरू प्रदान गर्नुका साथै वरपर फिँजिएका लालिगुराँसका रुखहरूले यस क्षेत्रलाई थप आकर्षक बनाएको छ। विशेषगरी वसन्त ऋतुमा लालिगुराँस फुल्दा यहाँ आउने आन्तरिक पर्यटकको संख्या उल्लेखनीय हुने गरेको छ। यस क्षेत्र सुनाखरी फूलका लागि पनि प्रसिद्ध रहँदै आएको छ। यद्
इटहरी/ नेपाल प्रेस युनियन सुनसरीले आफ्नो ३३औँ स्थापना दिवसको अवसरमा मङ्गलवार इटहरीमा प्रभातफेरी कार्यक्रम आयोजना गरेको छ। इटहरी उपमहानगरपालिका कार्यालय अगाडिबाट सुरु भएको र्यालीले विभिन्न चोकहरूको परिक्रमा गर्दै कोणसभामा परिणत भएको थियो। कार्यक्रममा पत्रकार तथा सञ्चारकर्मीहरूको उल्लेख्य उपस्थिति रहेको थियो। कोणसभामा बोल्दै नेपाल प्रेस युनियनका पूर्व केन्द्रीय उपाध्यक्ष तथा अग्रज पत्रकार हर्ष सुब्बाले स्वरोजगारमुखी मिडिया हाउसहरूलाई सुदृढ बनाउन आवश्यक रहेको बताए। सञ्चारकर्मीहरूलाई आत्मनिर्भर बनाउने खालका संरचनागत पहलको खाँचो औंल्याउँदै उनले मिडिया क्षेत्रमा दिगो विकासका लागि स
धरान/ शिक्षाविद् गोकुलप्रसाद श्रेष्ठको आत्मकथामा आधारित ‘अविश्रान्त यात्रा’ पुस्तकको शनिवार विमोचन गरिएको छ । धरान ७ सिद्धि नेवाः परिषद्मा आयोजित एक कार्यक्रमका बीच शिक्षाविद् श्रेष्ठद्वरा लिखित अविश्रान्त यात्राको सार्वजनिक गरिएको हो ।लामो समयदेखि शिक्षा क्षेत्रमा समर्पित धरानका शिक्षाविद् गोकुलप्रसाद श्रेष्ठले आफ्नै जीवनमा आधारित ‘अविश्रान्त यात्रा’ को विमोचन गरिएको छ । पुस्तकको विमोचन धरानका साहित्यकार, भाषाविद् प्रा.डा. टंक न्यौपानेले गरेका थिए । धरानको शिक्षा सदन माविमा प्रअको भूमिका लामो समयसम्म रहनु भएका श्रेष्ठले शिक्षा क्षेत्रमा गरेका सह्रानीय प्रय
दुहबी/ सुनसरीको दुहबीसहित तराई–मधेसका विभिन्न जिल्लाहरूमा वैवाहिक महिलाहरूले आज बट सावित्री व्रत श्रद्धा र भक्ति भावसहित मनाइरहेका छन्। आफ्ना पतिको दीर्घायु, स्वास्थ्य र समृद्धिको कामना गर्दै हिन्दू नारीहरूले यो व्रत विधिपूर्वक सम्पन्न गर्दै आएका छन्। ज्येष्ठ औंशीका दिन मनाइने यो व्रत विशेषगरी बट (बर) वृक्षको पूजा तथा सावित्री–सत्यवानको धार्मिक कथासँग सम्बन्धित छ। धार्मिक विश्वास अनुसार सावित्रीले आफ्ना मृत पति सत्यवानलाई यमराजसँग संझौता गर्दै पुनर्जीवन दिलाएको जनविश्वास छ। व्रतालु महिलाहरूले बिहानै स्नान गरी सादा वा धार्मिक वस्त्र धारण गरी पूजा सामग्रीसहित बटवृक्षमुनि पूजा
अहिले प्राय सामजिक सन्जाल मा र प्राय भारत मा मम र चाउमिन मा मैदा को प्रयोग हुन्छ र यो प्रशोधित पिठो हो र फाइबरको अभावले पाचनमा समस्या ,कब्जियत र अपच हुने सम्भावना हुन्छ। प्रशोधन गर्दा हानिकारक केमिकल (जस्तै: Benzoyl Peroxide, Potassium Bromate) प्रयोग हुन्छ त्यसैले मम चाउमिन हानिकारक खाध्य बस्तु हो भन्ने खालको पोस्ट देखिन्छ्। के मम चाउमिन बास्तब मा शरिर को लागि हानि कारक छ ? मैदा माथि भनिए झै हानिकारक खाध्य हो? पहिले मैदा बाट के के बन्छ हेरौ है , प्राय सबै बेकरि प्रोडक्ट केक , पेस्ट्री , पाउरोटि डोनट । प्राय धेरै जसो भारतिय स्नयाक्स समोसा, नि
काठमाडौं/ राजसंस्था पुनःस्थापनाका पक्षमा आन्दोलनरत जनआन्दोलन परिचालन समितिले प्रधानमन्त्री केपी शर्मा ओलीलाई जेठ १५ गतेको दिन सडकमा एक्लै हिँडेर देखाउन कडा चुनौती दिएको छ। समितिले एक विज्ञप्ति जारी गर्दै एमाले अध्यक्ष ओलीले आफ्ना कार्यकर्तालाई उक्त दिन राजधानी कब्जा गर्न दिएको अभिव्यक्तिप्रति प्रश्न उठाउँदै भनेको छ, “ज्ञानेन्द्र शाहझैँ एक्लै सडकमा हिँडेर देखाऊ।” समितिका प्रवक्ता स्वागत नेपालद्वारा जारी विज्ञप्तिमा उल्लेख गरिएको छ, “राजधानी कब्जा गर्ने प्रधानमन्त्रीको अभिव्यक्तिले उहाँ स्वयम् सुरक्षाकर्मीको कब्जामा मात्र सुरक्षित छन् भन्ने प्रमाणित भएको छ। देश अह
धरान/ धरानमा लागुऔषध सम्बन्धी छुट्टाछुट्टै घटनामा सात जना पक्राउ परेका छन्। पक्राउ पर्नेहरूबाट विभिन्न प्रकारका प्रतिबन्धित लागुऔषध र ठूलो मात्रामा गाँजा बरामद गरिएको इलाका प्रहरी कार्यालय धरानले जनाएको छ। धरान उपमहानगरपालिका वडा नं. ८ र ११ क्षेत्रबाट प्रहरीले प्रतिबन्धित लागुऔषध ट्रामोल ७९५ क्याप्सुल र कोलिवान ७८५ पिससहित ६ जनालाई पक्राउ गरेको हो। पक्राउ पर्नेमा धरान–११ का १८ वर्षीय आशिष तामाङ, धरान–८ का २३ वर्षीय अनिल लिम्बू र १८ वर्षीय अनिल मगर, धरान–१७ का २२ वर्षीय राजकुमार राई, २८ वर्षीय अनिल मगर तथा धरान–१९ का १८ वर्षीय अनिष मगर रहेका छन्। यसैबीच, वै
इलाम/ इलाम नगरपालिका–४ छयारछयारेका ३२ वर्षीय गोविन्द विष्टलाई जबरजस्ती करणी अभियोगमा प्रहरीले पक्राउ गरेको छ। २५ वर्षीया महिलामाथि जबरजस्ती करणी गरेको उजुरीपछि जिल्ला प्रहरी कार्यालय इलामबाट खटिएको टोलीले उनलाई पक्राउ गरेको हो। प्रहरीका अनुसार घटनाबारे प्राप्त उजुरीका आधारमा प्रारम्भिक अनुसन्धानपछि विष्टलाई नियन्त्रणमा लिइएको हो। हाल घटनासम्बन्धी थप अनुसन्धान भइरहेको जिल्ला प्रहरी कार्यालय इलामले जनाएको छ।
पाँचथर/ पाँचथरको याङवरक गाउँपालिका–५ स्थित दाहाल गाउँमा श्रीमानको कुटपिटबाट श्रीमतीको मृत्यु भएको छ। स्थानीय ४२ वर्षीय कृष्ण लिङ्देनले आफ्नी ४० वर्षीया श्रीमती सम्झना भट्टराईलाई गत वैशाख ३ गते बिहान घरायसी विवादका क्रममा कुटपिट गरेका थिए। कुटपिटबाट गम्भीर घाइते भएकी सम्झनालाई तत्काल उपचारका लागि जिल्ला अस्पताल फिदिम लगिएको थियो। त्यहाँबाट थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठानमा लगिएको थियो। तर उपचारकै क्रममा आइतबार राति उनको मृत्यु भएको जिल्ला प्रहरी कार्यालय पाँचथरले जनाएको छ। मृतकको शव हाल सोही अस्पतालको शवगृहमा राखिएको छ। घटनापछि आरोपी कृष्ण लिङ्
धरान/ धरान उपमहानगरपालिकाको बजार अनुगमन शाखाले सरोकारवाला निकायहरूसँग समन्वय गर्दै आईतवार धरानका मासु पसलमा अनुगमन गरेको छ। तर, अनुगमनका क्रममा मासु पसलहरूमा अघिल्ला पटकझैं लापरबाही देखिएको पाइएको छ। अनुगमनका क्रममा धेरैजसो पसलमा फ्रिजको व्यवस्था नभएको, सफाइको अभाव रहेको र मापदण्ड विपरीत तरिकाले मासु बिक्री वितरण भइरहेको भेटिएको अनुगमन शाखाका अधिकृत वेदप्रसाद सापकोटाले जानकारी दिए। उनका अनुसार, मासु पसलसँगै अन्य व्यवसायिक फर्ममा पनि म्याद गुज्रिएका वस्तु बिक्री, सरसफाइमा लापरबाही तथा व्यवसायिक प्रमाणपत्र नवीकरण नगरेको अवस्था फेला परेको छ। धरान उपमहानगरपालिकाले मासु व्यवसायीहरूलाई मापद
