_1693980289.gif "#")
धरान/ धरानमा लागुऔषध सम्बन्धी छुट्टाछुट्टै घटनामा सात जना पक्राउ परेका छन्। पक्राउ पर्नेहरूबाट विभिन्न प्रकारका प्रतिबन्धित लागुऔषध र ठूलो मात्रामा गाँजा बरामद गरिएको इलाका प्रहरी कार्यालय धरानले जनाएको छ।
धरान उपमहानगरपालिका वडा नं. ८ र ११ क्षेत्रबाट प्रहरीले प्रतिबन्धित लागुऔषध ट्रामोल ७९५ क्याप्सुल र कोलिवान ७८५ पिससहित ६ जनालाई पक्राउ गरेको हो।
पक्राउ पर्नेमा धरान–११ का १८ वर्षीय आशिष तामाङ, धरान–८ का २३ वर्षीय अनिल लिम्बू र १८ वर्षीय अनिल मगर, धरान–१७ का २२ वर्षीय राजकुमार राई, २८ वर्षीय अनिल मगर तथा धरान–१९ का १८ वर्षीय अनिष मगर रहेका छन्।
यसैबीच, वैशाख १० गते धरान–१५ स्थित देवी गाउँबाट ठूलो परिमाणको गाँजासहित धनकुटा चौबिसे गाउँपालिका–२ का २० वर्षीय अर्जुन लिम्बूलाई पनि प्रहरीले पक्राउ गरेको छ।
लिम्बूलाई प्रदेश १–०२–०४४ प ४३२० नम्बरको मोटरसाइकलमा ४ वटा बोरामा गाँजा लोड गरी ल्याउँदै गरेको अवस्थामा नियन्त्रणमा लिइएको हो। उनको साथबाट करिब ८२ किलोग्राम गाँजा बरामद भएको प्रहरीले जनाएको छ।
पक्राउ परेकाहरूविरुद्ध लागुऔषधसम्बन्धी मुद्दा दर्ता गरी आवश्यक कानुनी प्रक्रिया अघि बढाइएको प्रहरीले जानकारी दिएको छ। सबै घटनाको थप अनुसन्धान इलाका प्रहरी कार्यालय धरानमार्फत भइरहेको छ।
