गोर्खाली पुर्खाको सम्मानमा धरानमा फेरि दौडिँदै ७०० खेलाडी

  • मंसिर ४, २०८३
  • कोशीपत्र/संवाददाता
alt

धरान/ गोर्खा सिमेट्रीज ट्रस्ट नेपालको आयोजनामा पाँचौँ गोर्खा ट्रेल ब्लेजर १० के रन प्रतियोगिता आगामी माघ २ गते शनिवार हुने भएको छ। आयोजकले प्रतियोगितामा ७०० खेलाडी सहभागी गराउने लक्ष्य राखेको छ।

शुक्रवार धरानमा पत्रकार सम्मेलन गर्दै आयोजकले प्रतियोगिताबारे जानकारी दिएको हो। प्रतियोगिता धरान–१८ स्थित रत्न चोकबाट सुरु भई धरान–२० विष्णुपादुकास्थित ब्रिटिस गोर्खा स्मृति पार्कमा पुगेर समापन हुनेछ।

बिहान ६ः३० बजे सुरु हुने दौड बिहान ९ बजे समापन गर्ने कार्यक्रम तय गरिएको अध्यक्ष महेन्द्रकुमार राईले जानकारी दिए।

विश्व शान्तिका लागि भएका प्रथम र दोस्रो विश्वयुद्धलगायत विभिन्न युद्धमा ज्यान गुमाएका वीर गोर्खालीहरूको सम्मान र सम्झनामा प्रतियोगिता आयोजना गरिँदै आएको अध्यक्ष राईले बताए।

गोर्खाली योद्धाहरूको सम्मान र पुर्खाको योगदानलाई स्मरण गर्ने उद्देश्यले अप्रिल ५ लाई पुर्खा दिवसका रूपमा मनाउने गरिएको छ। सोही अवसरसँग जोडेर सन् २००६ मा हङकङमा गोर्खा सिमेट्रीज ट्रस्ट स्थापना भएको थियो।

नेपालमा भने सन् २०१८ मा संस्था स्थापना भएपछि हरेक वर्ष विभिन्न कार्यक्रम आयोजना हुँदै आएको छ।

संस्थाले स्थापनाकालदेखि दोस्रो विश्वयुद्धका जीवित योद्धाहरूलाई सम्मान गर्दै आएको छ।

हालसम्म १० जना दोस्रो विश्वयुद्धका जीवित योद्धा र एक मात्र जीवित भिक्टोरिया क्रस प्राप्त कर्ता रामबहादुर बेघा लिम्बूलाई सम्मान गरिसकेको राईले बताए।

सन् २०२३ देखि धरानको रत्न चोकदेखि ब्रिटिस गोर्खा स्मृति पार्कसम्म १० किलोमिटर दौड आयोजना गर्न थालिएको हो। गत चैत १४ गते सम्पन्न चौथो गोर्खा ट्रेल ब्लेजरमा पनि ७०० खेलाडी सहभागी भएका थिए।

पत्रकार सम्मेलनमा आयोजकले चौथो गोर्खा ट्रेल ब्लेजर प्रतियोगिताको आयव्यय विवरणसमेत सार्वजनिक गरेको छ।

सार्वजनिक विवरणअनुसार प्रतियोगिताबाट ७ लाख ८९ हजार ७३५ रुपैयाँ आम्दानी भएको थियो भने ९ लाख २९ हजार रुपैयाँ खर्च भएको थियो। आम्दानीभन्दा खर्च १ लाख ३९ हजार २६५ रुपैयाँ बढी देखिएको छ।

आयोजकका अनुसार सबैभन्दा बढी जर्सी खरिदमा ४ लाख ५० हजार रुपैयाँ खर्च भएको छ।

त्यस्तै व्यवस्थापनमा ९० हजार, खेलाडीलाई नगद पुरस्कारमा ९० हजार, खेलाडी, पत्रकार, स्वयंसेवक तथा अतिथिको खाजा–खानामा ७० हजार र स्वयंसेवक परिचालनमा ३० हजार रुपैयाँ खर्च भएको विवरणमा उल्लेख छ।

त्यसै गरी ब्यानर,प्रमाणपत्र,पदक तथा मायाको चिनोमा २० हजार र पुर्खा दिवस कार्यक्रममा २० हजार रुपैयाँ खर्च भएको आयोजकले जनाएको छ।

धरानको पहिलो महिला ग ...

धरान/ पहिलो धरान अन्तर्राष्ट्रिय आमन्त्रण महिला गोल्डकप ...

धरानमा लागूऔषधसहित ५ ...

धरान/धरानमा ठूलो परिमाणमा लागूऔषधसहित पाँच जना पक्राउ प ...

१७ वर्षीया किशोरीमाथ ...

धरान/ झापाको शिवसताक्षीमा १७ वर्षीया किशोरीमाथि जबर्जस् ...

आजदेखि वराहक्षेत्रमा ...

धरान/ धार्मिक परम्पराअनुसार निकालिने निशान यात्रास ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८०२७५५२९७

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: गाेबिन्द बस्नेत / प्रबन्ध निर्देशक: योगेशबाबु काफ्ले / संबादाता: फणीन्द्र तिम्सिना

Copyright © 2019 / 2026 - Koshipatra.com All rights reserved