धरानको स्वर्णिम क्लबको गोल वर्षा! गाईघाटलाई ५–० ले हराउँदै सेमिफाइनलमा प्रवेश

  • कार्तिक ३०, २०८३
  • कोशीपत्र/संवाददाता
alt

धरान/ धरानमा जारी अन्तर्राष्ट्रिय आमन्त्रण ‘प्रथम महिला गोल्डकप फुटबल प्रतियोगिता’मा घरेलु टोली स्वर्णिम फुटबल क्लबले गोलको वर्षा गर्दै शानदार जित निकालेको छ।

आइतबार भएको दोस्रो क्वाटरफाइनलमा उदयपुरको गाईघाट फुटबल क्लबलाई ५–० गोलको फराकिलो अन्तरले पराजित गर्दै स्वर्णिम सेमिफाइनलमा प्रवेश गरेको हो।

धरान–१६ स्थित धरान रंगशालामा जारी रात्रिकालीन प्रतियोगितामा घरेलु टोलीले सुरुदेखि नै खेलमा दबाब कायम राखेको थियो। स्वर्णिमको जितमा सजिना साङताङले ह्याट्रिक पूरा गरिन् भने समीक्षा मगरले दुई गोल गरिन्।

पहिलो हाफमै ३–० को अग्रता बनाएको स्वर्णिमले दोस्रो हाफमा थप दुई गोल गर्दै ५–० को शानदार जित सुनिश्चित गर्‍यो। पहिलो हाफमा समीक्षाले दुई र सजिनाले एक गोल गरेकी थिइन्। दोस्रो हाफमा सजिनाले लगातार दुई गोल थप्दै आफ्नो ह्याट्रिक पूरा गरिन्।

ह्याट्रिकसहित तीन गोल गरेकी सजिना खेलको ‘प्लेयर अफ द म्याच’ घोषित भइन्।

डी–१९ क्लब र स्वर्णिम फुटबल क्लबको संयुक्त आयोजनामा भइरहेको प्रतियोगिताअन्तर्गत आज सोमबार हुने खेलमा विभागीय टोली त्रिभुवन आर्मी फुटबल क्लब र बागमती युवा क्लबबीच प्रतिस्पर्धा हुनेछ।

प्रतियोगिताको विजेता टोलीले नगद ५ लाख रुपैयाँ प्राप्त गर्नेछ भने फाइनल खेल मंसिर ५ गते हुनेछ।

सुनसान घरमा नेपाली–भ ...

मोरङ/मोरङको रतुवामाई नगरपालिका–७ स्थित सुनसान घरम ...

सुनसरीमा छठपूजास्थलम ...

सुनसरी / सुनसरीको हरिनगर गाउँपालिका–६ स्थित टपरा ...

भारतबाट नेपाल भित्रि ...

सुनसरी/ सुनसरीको हरिनगर गाउँपालिकामा भारतबाट नेपालतर्फ ...

बिरालो र खरायोको खान ...

काठमाडौं/ बिरालो र खरायोको खानाको प्याकेटभित्र लुक ...

सम्पर्क

कोशी मिडिया ग्रुप प्रालीद्धारा सञ्चालित

सुनसरी, धरान, नेपाल
पोष्ट बक्स नंः N/A

टेलिफोन

कार्यालय: ०२५-५३१४७७
विज्ञापन: ९८०२७५५२९७

ई–मेल

[email protected]
[email protected]
[email protected]

फेसबुकमा हामी

सोसल मिडिया

कम्पनी दर्ता नम्बर: २१४८६२/७५/७६ / पान नम्बर: ६०९५३२३८८ / सुचना तथा प्रसारण विभाग: २७-२०७३/०००

अध्यक्ष: शंकरप्रसाद घिमिरे / प्रधान सम्पादक: राजेश बिद्रोही / कार्यकारी सम्पादक: गाेबिन्द बस्नेत / प्रबन्ध निर्देशक: योगेशबाबु काफ्ले / संबादाता: फणीन्द्र तिम्सिना

Copyright © 2019 / 2026 - Koshipatra.com All rights reserved