बुढासुब्बा गोल्डपमा धरानको विजयी शुरुवात

धरान/ धरानमा शुरु भएको २४ औं बुढासुब्बा गोल्डकपको उद्घाटन खेलमा आयोजक धरान फुटबल क्लबले जितेको छ ।

शनिवार  बाट धरान १६ स्थित रंगशालामा शुरु भएको प्रतियोगिताको पहिलो खेलमा आयोजक धरानले भारतको केएफसी खार्साङलाई ९ का विरुद्ध १० गोल गर्दै सडेन डेथको आधारमा जित निकालेको हो ।

अत्यन्तै प्रतिष्पर्धात्मक खेलमा खेलमा दुवै टिमबाट एक एक गोल बराबरीमा टुंगिएपछि खेल ट्राइबेकरमा होमिएको थियो ।

खेलको ५८ औं मिनेटमा धरानमा मिलन राईले खाता खोलेका थिए भने त्यसको लगत्तै खार्साङका नयन प्रधान खार्साङका लागि गोल गर्र्र्दै बराबरीमा पु¥याएका थिए । त्यसपछि दुवै टिमले गर्न गर्न नसकेपछि खेल ट्राइबेकरमा होमिएको थियो ।

ट्राइबेकरमा ५–५ जनाले हानेको पेनल्टीमा पनि दुवै टिमबाट बराबरीमा टुंगिएपछि खेल सडेन डेथको आधारमा खेलाइएको थियो ।

सडेन डेथमा धरानले ९ का विरुद्ध १० गोल गर्दै सेमी फाइनलको यात्रा तय गरेको हो । सेडेन डेथमा निर्णायक गोल खार्साङका तर्फबाट एन्डोनी क्षेत्रीले हानेको गोल धरानका गोल रक्षकले रोकिदिएपछि भने खार्साङले पराजय भोग्नु परेको थियो ।

खेलको म्यान अफ म्याच धरानका सचिन राई घोषित भए । आइतबारको खेल एनआरटी र विभागीय टिम नेपाल आमीबीच हुने आयोजकले जनाएको छ ।

प्रतियोगिताको उद्घाटन धरान उपमहानगरपालिकाका मेयर हर्क साम्पाङ राईले गर्ने कार्यक्रम रहे पनि उनको अनुस्थितिमा एन्फाका मानार्थ उपाध्यक्ष किशोर राईले गरेका थिए ।