ब्राउन सुगर सहित ४ जना पक्राउ

बिराटनगर / झापा र मोरङको छुट्टा छुट्टै स्थानबाट प्रतिबन्धित लागुऔषध ब्राउन सुगर सहित चार प्रकाउ परेको छन । बुधबार झापाको दमक नगरपालिका –९ स्थित ईलाका प्रहरी कार्यालय दमकबाट खटिएको प्रहरी टोलीले चेकजाँचको क्रममा मेचिनगर नगरपालिका वडा नम्बर  – ७ की ४२ बर्षीया रुपा प्रधान ८ ग्राम ब्राउन सुगर सहित नियन्त्रणमा लिईएको हो ।

यसै गरी कोशी प्रदेश प्रहरी कार्यालय बिराटनगर र ईलाका प्रहरी कार्यालय बेलबारीबाट खटिएको प्रहरी टोलीले सुन्दरहरैंचा नगरपालिका वडा नम्बर – १० का २६ बर्षीय सुमन कोइराला,बेलबारी नगरपालिका वडा नम्बर – ३ की बर्ष २५ की ज्योति तामाङलाई १ ग्राम ७० मिलिग्राम लागुऔषध ब्राउन सुगर सहित पक्राउ गरेको हो।

भने अस्थायी प्रहरी चौकी मंगलबारे मोरङबाट खटिएको प्रहरी टोलीले रंगेली वडा नम्बर – २ का बर्ष २३ का बिजय खवासलाई प्रतिवन्धित औषधि ट्रमाडोल २९० क्याप्सुल र स्पास्पेन २९० क्याप्सुल सहित प्रकाउ गरेको हो । पक्राउ परेका उनिहरुको सम्बन्धित प्रहरी कार्यालयहरुबाट थप अनुसन्धान भईरहेको छ।