_1693980289.gif "#")
काठमाडौं / सरकारले गत जेठ १५ गते संसदमा पेश गरेको आर्थिक वर्ष २०८० र ८१ बजेटप्रति प्रतिपक्ष दलले संशोधनको प्रस्ताब पेश गरे पनि हुबहु बुधबार पारित गरेको छ ।
प्रतिपक्षी साँसदहरुले मात्रै नभएर सत्तारुढ दलकै नेताहरुले पनि आलोचना गर्दै संशोधनको माग गरे गरेका थिए तथापी बुधबार कुनै संशोधन नगरी पारित गरेको हो। प्रतिनिधिसभाको बुधबार बैठकमा मतदान हुँदा बहुमतका आधारमा आगामी आर्थिक वर्षको बजेट पारित भएको छ ।
आगामी आर्थिक वर्षको बजेट पारित गरियोस् भन्ने प्रस्तावको पक्षमा १ सय ४७ मत परेको थियो भने विपक्षमा १ सय ८ मत परेको थियो । प्रतिनिधिसभामा उपस्थिति २ सय ५५ जना सदस्यहरु रहेका थिए ।
प्रस्तावको विपक्षमा एमाले, राष्ट्रिय स्वतन्त्र पार्टीका सांसदहरुले मतदान गरेका थिए । यस अघि एमालेले मत विभाजन गरेर बजेट पारित गर्न माग गरेको थियो । प्रस्तावको पक्षमा बहुमत भएकाले सो प्रस्ताव पारित गरिएको सभामुख देवराज घिमिरेले घोषणा गरेका थिए ।
