_1693980289.gif "#")
सुनसरी/ केही दिन अघि देखिको अबिरल वर्षाको कारण आएको बाढी पहिरोले क्षती पुर्याएको क्षेत्रमा नेपाली सेनाद्वारा राहत सामग्री पुर्याइएको छ ।
कोशी प्रदेश सरकारबाट प्राप्त राहत सामग्री नेपाली सेनाले हेलिकोप्टर मार्फत ताप्लेजुङ्को सिदिङ्वा गाउँपालिका ६ मेहेलेमा आज लत्ताकपडा, टेन्ट, भाँडाकुँडासहित स्वास्थ्य सामग्री पुर्याएको हो ।
कोशी प्रदेश सरकारले स्वास्थ्य सामग्री र टेन्ट तथा रेडक्रस सोसाइटी शाखाले उपलब्ध गराएका त्रिपाल, कम्बल, भाँडाकुँडासहितका सामग्री पठाइएको जिल्ला विपद् व्यवस्थापन समितिका अध्यक्ष तथा प्रमुख जिल्ला अधिकारी गोमादेवी चेम्जोङले जानकारी दिइन ।
गत शनिबार देखि आएको अबिरल वर्षाले मेहेलेमा बाढी र पहिरोबाट विस्थापित बनेका एक सयभन्दा बढी परिवार स्थानीय निलगिरि माध्यमिक विद्यालयमा आश्रय लिएर बसेका छन् ।
स्थानीयका अनुसार मेहेलेमा बाढी र पहिरामा परी तीन जनाको ज्यान गएको छ भने एकै परिवारका तीन बेपत्ता छन् ।
मृतकका परिवार तथा आफन्त र बाढी पहिरोबाट प्रभावित अन्य परिवारलाई क्षतिको विवरण हेरी मापदण्डअनुसार राहत उपलब्ध गराउन पहल भइरहेको जिल्ला विपद् व्यवस्थापन समितिले जनाएको छ ।
_Poush 22_1736170149.jpg "#")
_1734253975.jpg "#")
