ग्रिल संघको अध्यक्षमा राई

धरान / संयुक्त ग्रिल उद्योग व्यवसायी संघ धरानको अध्यक्षमा उदयकुमार राई चयन भएका छन् । संघको ८ औं साधारणसभा तथा अधिवेशनले राईलाई सर्वसम्मत ढंगले अध्यक्षमा चयन गरेको हो ।

१३ सदस्यीय कार्यसमिति चयन गरिएको सो संघको उपाध्यक्षमा पदम बराईली, हरि विक, सचिवमा कमल शंकर, सह सचिवमा प्रेमकुमार राई, कोषाध्यक्षमा जंगबहादुर थापा चयन भएका छन् । यसैगरी का.का.सदस्यमा तिलक ल्वागुन, मदनकुमार प्रधान, प्रदीप विक, पार्वती राई, तुलाराम श्रेष्ठ, होमबहादुर भण्डारी र दिपु तामाङ रहेका छन् ।

कार्यक्रमको प्रमुख अतिथि सुनसरी उद्योग वाणिज्य संघका अध्यक्ष विजय श्रेष्ठ रहेका थिए । सो अवसमा बोल्दै अध्यक्ष श्रेष्ठले सीप तथा तालिमका लागि सुनसरी उद्योग वाणिज्य संघको तर्फबाट पहल गर्ने बताए । उनले संघको भवन निर्माणका लागि समेत भौतिक सहयोग पु¥याउने आश्वासन दिए ।

यसैगरी भवन निर्माण संघका अध्यक्ष नाराणण लिम्बुले आफूहरु ग्रिल उद्योग संघसँग सहकार्य गरेर अघि बढ्ने बताए ।

नयाँ कार्यसमितिलाई सल्लाहकार टोपेन्द्र शाही, प्रेमराज राई, तीर्थबहादुर विक, निः वर्तमान अध्यक्ष राजकुमार राई लगायतले कार्यकाल सफलताको शुभकामना दिएका थिए ।