धरान / सुनसरी उद्योग वाणिज्य संघको ३९ औँ साधारण सभाको अवसर पारेर आर्थिक तथा पर्यटन क्षेत्रमा कलम चलाउने दुई जना पत्रकार तथा औद्योगिक क्षेत्रमा योगदान पुर्याउने उद्योगीहरुलाई पुरस्कृत एवम् सम्मान गरेको छ ।
पुरस्कृत हुने पत्रकारहरुमा कोशीपत्र राष्ट्रिय दैनिककका कार्यकारी सम्पादक गोविन्द बस्नेत र विजयपुर एफएमका सम्पादक भैरव आङ्ला रहेका छन् । बस्नेतलाई आर्थिक क्षेत्रमा कलम चलाएवापत र आङलालाई पर्यटन क्षेत्रमा कलम चलाएवापत नगद १०/१० हजार र सम्मानपत्रले पुरस्कृत गरिएको हो ।
यसैगरी सुनसरीका पुराना उद्योगी व्यवसायी धरानका सुरेशकुमार शर्मा, धरान २ मा गोपाल किराना पसल सञ्चालन गर्दै आएका राजकुमार अटल र सुनसरीको खनारमा सञ्चालित स्पिनिङ एण्ड विभिङ मल्सलाई सबैभन्दा बढी महिलालाई रोजगारी दिएका भन्दै सम्मान गरिएको थियो ।
पुरस्कृत तथा सम्मानित सबैलाई कार्यक्रमका प्रमुख अतिथि समेत रहेका जिल्ला समन्वय समितिका अध्यक्ष मेहताले दोसल्ला ओढाएर सम्मानपत्र प्रदान गरेका थिए ।
