बिपिका पदाधिकारीको कार्यकक्षमा लगाएको ताला खोल्न अवरोध गर्नेलाइ स्पस्टिकरण दिन सर्बोच्चको आदेश

धरान । बिपि कोइराला स्वास्थ्य बिज्ञान प्रतिष्ठान सुधारको माग गर्दै आन्दोलनमा रहेका चिकित्सक, विद्यार्थी हरुले प्रमुख पदाधिकारीको कार्यकक्षमा लगाएको ताला खुलाउन सर्बोच्च अदालतले दिएको आदेश कार्यन्वयनमा अवरोध गरे पछि आन्दोलनरत डा। सुर्य प्रसाद रिमाललाइ १ हप्ता भित्र स्पष्टीकरण दिन सर्बोच्चले आदेश दिएको छ ।

पुस ६ गतेको तेज बहादुर केशीको एकल इजलाशले १ हप्ता भित्र फैसला कार्यान्वयन गर्नु नपर्ने कारण खुलाइ हाजिर हुन आदेश गरेको छ । गत मंसिर २१ गते नवराज विष्टले दिएको निबेदन मा फैसला गर्दै प्रतिष्ठानमा लगाएको ताला खोल्न सर्बोच्चले आदेश दिएको थियो । सर्बोच्चको आदेश अनुसार स्थानीय प्रहरी प्रशासनले ताला खोल्न खोजे पछि आन्दोलनकारीले अवरोध गरेका थिय । पुनः बिष्टले फैसला कार्यन्वनयन गराउन निबेदन दिएका थिय ।

संयुक्त संघर्ष समितीका संयोजक डा. सुर्य प्रसाद रिमाललाइ बिपक्षी बनाइएको छ । उनी सङै समितिका सह संयोजक डा. बिष्णु पोख्रेल, गणेश फुलारा, वसन्त गेलाल, र रिता पोख्रेललाइ पनि बिपक्षी बनाइएको बुझिएको छ ।