मोरङ बेलबारीकी कोरोना संक्रमितको मृत्यु

धरान । वीपी कोइराला स्वास्थ्य विज्ञान प्रतिष्ठान स्थित कोभिड अस्पतालमा उपचार गराइरहेकी मोरङकी एक महिलाको मृत्यु भएको छ ।

मोरङको बेलबारी ४ की ४० वर्षिय महिलाको आज बिहान मृत्यु भएको प्रतिष्ठानका सहप्रवक्ता डा. चुरामणि पोखरेलले जानकारी दिए । उनलाई आइतबार कोरोना संक्रमण पुष्टि भएको थियो ।

उनी कोभिड अस्पतालमा पनि आइतबार नै भर्ना भएकी थिईन् । उनको शव व्यवस्थापन नियमानुसार भइरहेको प्रतिष्ठानले जनाएको छ ।