धरान । संसद विघटन भएकाले प्रिबजेट छलफलै नगरी सरकारले निती तथा कार्यक्रम बिनाको बजेट सार्वजनिक गर्ने भएको छ ।
कोरोना महामारी बिच आगामी आर्थिक वर्ष २०७८÷७९ को बजेट करिब १६ खर्बको हुने भएको छ । आज दिउँसो ४ बजे सिंहदरबारस्थित प्रधानमन्त्री तथा मन्त्रिपरिषद् कार्यालयबाट अर्थमन्त्री विष्णुप्रसाद पौडेलबाट बजेट प्रस्तुत हुँदैछ ।
संविधान अनुसार नयाँ बजेट सार्वजनिक हुनुअघि कम्तीमा १५ दिनअगाडि ‘प्रिबजेट’बारे छलफल हुनुपर्ने थियो । सोही छलफलपछि राष्ट्रपतिले ‘नीति तथा कार्यक्रम’ प्रस्तुत गर्नुपर्ने प्रावधान थियो ।
तर, सरकारले ‘प्रिबजेट’ छलफलै नगरी पुनः संसद् विघटन भएसँगै अध्यादेशमार्फत नयाँ बजेट ल्याउन लागिएको हो ।
