धरान । मेयर तिलक राईको नाममा देखिएको बेरुजुको बिषयमा स्पष्ट पार्न कार्यपालिका सदस्यहरुले माग गरे पछि चित्तबुझ्दो जवाफ न आएको भन्दै नेकपा निकट सदस्यहरुले बैठक बहिष्कार गरेका छन् । असार १० गते उद्घाटन भएर स्थगित भएको नगर सभाको वडामा जाने बजेटको बिषयमा कार्यपालिकाले निर्णय गर्नको लागि बोलाइएको बैठकमा वडाअध्यक्षहरुले सुरु मै बेरुजुको बिषयमा स्पस्ट पार्न माग गरेका थिए ।
मेयर साबको चित्तबुझ्दो जवाफ नआएकोले बैठक बहिष्कार गरिएको वडा नम्बर १६ का वडाअध्यक्ष दिल कुमार गिरिले बताए । उनले भने, नगर प्रमुख नै आफै बेरुजुमा देखिँदा समग्र धरानकै नेतृत्वमाथी प्रश्न उढेको छ, मेयरसाब क्लियर हुनुपर्छ, भनेको हौ, तर चित्तबुझ्दो जवाफ आएन ।
जब सम्म जवाफ क्लियर आउदैन कुनै पनि बैठक मा सहभागी नहुने उनले बताए । बैठक बहिष्कार गरेपछी नगर सभा झनै अन्योल मा परेको छ ।
नगरसभाको बिषयमा मेयर आफै जिम्मेवारी लिनु पर्ने वडा नम्बर ९ का वडाअध्यक्ष रत्न कटुवालले बताए ।
आज शुक्रबार नगरसभा नै गर्नु पर्ने थियो तर आज किन बैठक बोलाइयो त्यस्को जवाफ पनि दिन सक्नु भएन, उनले भने, मेयर माथी नै बेरुजु देखिनु भनेको उहाँले गर्नु भएको अन्य काम माथी पनि शंका उब्जेको छ ।
