वराहक्षेत्रका नगर प्रमुखद्वारा क्वारेन्टिन स्थलको अनुगमन

वराहक्षेत्र / वराहक्षेत्र नगरपालिकाले चक्रघट्टीस्थित महेन्द्र माविमा तयार गरेको क्वारेन्टाइनको मंगलबार नगर प्रमुख निलम खनालले अवलोकन गरेका छन् ।

अनुगमन तथा सुपरीवेक्षण समितिका संयोजक समेत रहेका नगर प्रमुख खनालले क्वारेन्टाइनमा बस्नेहरुको स्वास्थ्य अवस्था र समस्याबारे जानकारी लिएका छन् ।

क्वारेन्टिनमा बस्नेहरुमा कुनै प्रकारको समस्या नदेखिएको नगर प्रमुख खनाल ले बताए । ‘सरकारको मापदण्डअनुसार व्यवस्थापन गरेका छौं । खाजा चिया खाना गरी चार टाइम व्यवस्था गरेका छौं’, नगर प्रमुख खनालले भने, ‘उनीहरुको आत्मविश्वास बढाउन बेलाबेलामा समस्या पनि बुझिरहेका छौं ।’

नगरपालिकाले संघीय सरकारको मापदण्डअनुसार क्वारेन्टिनको व्यवस्थापन गरिएको सूचना अधिकारी पुकार पोख्रेलले जानकारी दिए । मंगलबारसम्ममा २४ जनाको महेन्द्र माविमा व्यवस्थापन गरिएको छ । सो क्वारेन्टिनमा ८० जना व्यवस्थापन गर्न सकिने बताइएको छ ।