धरान :कोरोना संक्रमण पुष्टि भएकी ५२ वर्षीय महिला धरान १३ शिवधाराकी भएको खुलेको छ ।
वि पी कोइरला स्वास्थ्य विज्ञान प्रतिष्ठानमा गरिएको परीक्षणमा उनिमा कोरोना संक्रमण देखिएको हो ।
संक्रमण पुष्टि भएकी महिला हिजो श्रीमानसँगै वीपी प्रतिष्ठान उपचार गराउन गएकी थिइन् ।
संक्रमित महिलाकी श्रीमानले धरानकै एक सञ्चार माध्यमसँग मोवाइल सम्पर्कमा कुरा गर्दै स्वास्थ्य समस्या नभएको दाबी गर्दै आफुहरु काठमाण्डौं जानुपर्ने भएकोले चेकअप गर्न वीपी गएको बताएका छन् ।
उनको अन्य ट्राभल स्ट्रि समेत नभएको घरमै रहेको बताइएको छ ।
प्रहरीका अनुसार उत्त क्षेत्रमा प्रहरी परिचालन गरी सो क्षेत्रलाई शिल गर्ने तयारी भएरहेको छ ।
