सुनसरी/ सुनसरीको भोक्राहा–नरसिंह गाउँपालिका–३ खुनिया पुल क्षेत्रमा ब्राउन सुगरसहित एक युवक पक्राउ परेका छन्।
शनिबार साँझ ५:३९ बजे इलाका प्रहरी कार्यालय लौकही र जिल्ला प्रहरी कार्यालय सुनसरीबाट संयुक्त रूपमा खटिएको प्रहरी टोलीले भारतबाट नेपालतर्फ आउँदै गरेको प्रदेश १–०२–०४१ प ९०४३ नम्बरको मोटरसाइकल जाँच गर्ने क्रममा चालक बराहक्षेत्र नगरपालिका–७ निवासी २० वर्षीय समिर खड्कालाई नियन्त्रणमा लिएको हो।
प्रहरीले उनको साथबाट १.०५ ग्राम (एक ग्राम ५० मिलिग्राम) ब्राउन सुगर बरामद गरेको जनाएको छ।
बरामद लागूऔषध र मोटरसाइकलसहित खड्कालाई नियन्त्रणमा लिई जिल्ला प्रहरी कार्यालय सुनसरीमा राखेर थप अनुसन्धान भइरहेको प्रहरीले जनाएको छ।
