धरान/ धरान उप–महानगरपालिका–५ सुन्दर बस्तीमा लागूऔषध कारोबार भइरहेको गोप्य सूचनाका आधारमा प्रहरीले छापा मार्दा ठुलो परिमाणमा लागूऔषध बरामद भएको छ।
मंगलबार राति करिब ९:२० बजे अस्थायी प्रहरी चौकी देउराली र श्यामचोकबाट खटिएको संयुक्त टोलीले एक १४ वर्षीय नाबालकको कोठामा खानतलासी गर्दा TRAMADOL १२०० क्याप्सुल र SPASPAN १३५० ट्याब्लेट फेला पारेको हो।
बरामद लागूऔषधको कुल संख्या २५५० पिस रहेको प्रहरीले जनाएको छ।
प्रहरीले घटनामा संलग्न रहेको आशंकामा उक्त नाबालकसहित सोही कोठामा रहेका ३५ वर्षीय हरि बहादुर बि।कलाई नियन्त्रणमा लिएको छ।
दुवैलाई इलाका प्रहरी कार्यालय धरानमा राखी थप अनुसन्धान भइरहेको जनाइएको छ।
नाबालक नै लागूऔषध कारोबारमा संलग्न भेटिनुले समाजमा बढ्दो जोखिमतर्फ गम्भीर संकेत गरेको देखिन्छ।
