धरान/ सुनसरी जिल्लामा आगामी फागुन २१ गते हुने प्रतिनिधिसभा निर्वाचनका लागि चारवटै निर्वाचन क्षेत्रमा जम्मा ११२ जनाले उम्मेदवारी मनोनयन दर्ता गराएका छन ।
तीमध्ये सबैभन्दा बढी उम्मेदवारी सुनसरी क्षेत्र नं.४ मा परेको छ ।
मुख्य निर्वाचन अधिकृतको कार्यालय सुनसरी निर्वाचन क्षेत्र नं.४ मा ३४ जनाले उम्मेदवारी दर्ता गराएका छन । सो क्षेत्रमा एक लाख ३७ हजार ३४० मतदाता रहेका छन ।
त्यस्तै एक लाख ५० हजार ३९३ मतदाता रहेको सुनसरी निर्वाचन क्षेत्र नं.१ मा २८ जनाले उम्मेदवारी दर्ता गराएका छन । साथै निर्वाचन क्षेत्र नं.२ मा पनि २८ जनाले उम्मेदवारी दिएका छन् भने सो क्षेत्रमा एक लाख ५८ हजार ९१० मतदाता छन ।
यसैगरी एक लाख ३४ हजार ३०२ मतदाता रहेको सुनसरी क्षेत्र नं.३ मा २२ जनाले उम्मेदवारी मनोनयन दर्ता गराएको मुख्य निर्वाचन अधिकृत प्रकाश राउतले जानकारी दिनुभयो ।
जिल्लाभर कुल पाँच लाख ८० हजार ९४५ जना मतदाता कायम रहेका छन् । जसका लागि १६७ मतदान स्थल र ६२४ मतदान केन्द्र निर्धारण गरिएको छ।
