_1693980289.gif "#")
वराहक्षेत्र/ स्थानीय कला–संस्कृतिलाई उजागर गर्ने उद्देश्यका साथ ‘म तिमी बिना’ बोलको नयाँ म्युजिक भिडियोको छायांकन वराहक्षेत्रका रमणीय स्थानहरूमा सुरु भएको छ।
नगरको पर्यटन सम्भावना बढाउने र स्थानीय कलाकारलाई राष्ट्रिय मञ्चमा परिचित गराउने लक्ष्यसहित सोमबारबाट सप्तकोशी नदीको किरार क्षेत्रमा छायांकन थालिएको हो।
गीतका शब्द, लय र स्वर स्थानीय गायक तिलक राईले दिएका छन्। गीतलाई अझ आकर्षक बनाउन एरेन्ज, मिक्सिङ र मास्टरिङको जिम्मेवारी वान पिस रेकर्डिङ स्टुडियोका एकराज सेम राईले सम्हालेका छन्।
म्युजिक भिडियोको निर्देशन वराहक्षेत्रकै स्थानीय निर्देशक सुहाङ कुलुङले गरिरहेका छन्। भिडियोमा स्थानीय कलाकार हिमल राई र सुप्रिया पुरीले मुख्य भूमिका निर्वाह गर्दैछन्।
स्थानिय प्रतिभालाई प्रोत्साहन गर्दै नगरका प्राकृतिक सौन्दर्य, सांस्कृतिक धरोहर र पर्यटक आकर्षण स्थललाई देशभरि चिनाउनका लागि यो भिडियो वराहक्षेत्रमै छायांकन गरिएको निर्देशक कुलुङले बताए।
उनका अनुसार, “स्थानीय कलाकारहरूलाई अवसर दिनु र वराहक्षेत्रका सुन्दर ठाउँलाई पर्दामा उतार्नु नै हाम्रो मुख्य लक्ष्य हो। दर्शकले पनि यसलाई निकै मन पराउने विश्वास छ।”
