धरान/ जिल्ला सुनसरी, धरान उप–महानगरपालिका वडा नं.–५ देउराली भोटे बस्तीमा लागूऔषध ओसारपसार भइरहेको विशेष सूचना पाएपछि अस्थायी प्रहरी चौकी देउरालीको टोलीले छापा मारेर दुई जनालाई पक्राउ गरेको छ।
मंसिर २० गते राति २ बजे गएको चेकजाँच क्रममा वडा नं.–५ का २२ वर्षीय जितेन्द्र राई र धनकुटा जिल्ला, साँगुरीगढी गाउँपालिका वडा नं.–७ का २२ वर्षीय जीवन राईको साथबाट ट्रामाडोल–७० र स्पास्मो–७० गरी कुल १४० पिस ट्याब्लेट फेला परेको प्रहरीले जनाएको छ।
प्रहरीले दुवैजनालाई लागूऔषध सहित नियन्त्रणमा लिई इलाका प्रहरी कार्यालय धरानमा लगेको र थप अनुसन्धान जारी रहेको बताएको छ।
