_1693980289.gif "#")
सुनसरी/ सुनसरीको ईनरुवा नगरपालिका–९ नहरचोक नजिक प्रहरीले ठूलो परिमाणको लागूऔषध बरामद गरेको छ।
विशेष सूचनाको आधारमा खटिएको प्रहरी टोलीले जाल्पापुरतर्फ गइरहेको बा ३ च ५५८५ नम्बरको स्कारपियो रोक्ने प्रयास गर्दा चालक भागेपछि प्रहरीलाई शंका उत्पन्न भएको थियो।
प्रहरीको पछुतर्फ गरिएको चिनारी र खोजतलासका क्रममा साम्बला पोखरीचोकबाट खटिएको टोलीले नहरचोक भन्दा करिब १०० मिटर टाढा सडकछेउमा फेला परेको सो स्कारपियो भित्र १६ वटा प्लास्टिकका बोरामा प्याक गरिएको ठूलो परिमाणको गाँजा भेटिएको हो।
सो क्रममा जिल्ला प्रहरी कार्यालय सुनसरीका प्रमुखको नेतृत्वमा सोको (SOCO) अधिकृत सहितको टिमले गरेको सूक्ष्म चेकजाँचमा ४६० किलोग्राम गाँजा बरामद गरिएको प्रहरीले जनाएको छ।
बरामद गरिएको गाँजा र सवारीसाधन जिल्ला प्रहरी कार्यालय सुनसरीमा राखी आवश्यक कानुनी प्रक्रिया अघि बढाइएको छ।
यसैबीच, घटनास्थलबाट फरार भएको स्कारपियो चालकको खोजतलास तीव्र पारिएको प्रहरीले जनाएको छ।
