झापा/भारतबाट नेपालतर्फ लागुऔषध ल्याउँदै गरेका दुई जना झापाको गौरीगञ्ज प्रहरीले नियन्त्रणमा लिएको छ ।
मंगलबार साँझ करिब ४ः३० बजे गौरीगञ्ज गाउँपालिका–५ फत्तेपुर बोर्डर नजिकैबाट गस्तीमा खटिएको इलाका प्रहरी कार्यालय गौरीगञ्जको टोलीले दमक नगरपालिका–३ का २७ वर्षीय निमा दोर्जी तामाङ र सोही ठाउँका ३८ वर्षीय सुकबहादुर राईलाई शंकास्पद देखिएपछि चेकजाँच गरेको थियो ।
जाँचका क्रममा तामाङको साथबाट ब्राउन सुगर लिसिलो पदार्थ प्लास्टिकसहित करिब ५ ग्राम १५० मिलिग्राम र प्लास्टिक बाहेक ४ ग्राम ११० मिलिग्राम फेला परेको प्रहरीले जनाएको छ ।
उनीहरूलाई आवश्यक कारबाहीका लागि इलाका प्रहरी कार्यालय गौरीगञ्जमा राखी थप अनुसन्धान भइरहेको प्रहरीले जनाएको छ ।
