फाइल तस्बिर
झापा/ झापा दमक नगरपालिका–९ शान्तिचोकमा लागुऔषध बिक्री वितरण गर्दै गरेको अवस्थामा एक युवक पक्राउ परेका छन्।
गोप्य सूचनाको आधारमा इलाका प्रहरी कार्यालय दमकबाट खटिएको टोलीले सोमबार साँझ करिब ७ बजे मे १ ह ७०६५ नम्बरको सिटी सफारी रोक्काई जाँच गर्दा चालक वर्ष ३६ का मनोज धिमालको सवारी साधनबाट प्रतिबन्धित लागुऔषध खैरो हिरोइन लिसाईलो पदार्थ फेला परेको प्रहरीले जनाएको छ।
सिटी सफारीको सिटमुनि लुकाइ राखिएको अवस्थामा प्लास्टिकसहित १२ ग्राम २० मिलिग्राम र प्लास्टिकबाहेक ६ ग्राम गरी जम्मा १८ ग्रामभन्दा बढी लागुऔषध बरामद गरिएको हो। साथै, घटनास्थलबाट विभिन्न दरका नेपाली नगद १८ हजार रुपैयाँ र एउटा मोबाईलसमेत बरामद गरिएको प्रहरीले जनाएको छ।
पक्राउ परेका धिमाललाई सिटी सफारी र बरामद सामानसहित नियन्त्रणमा लिएर इलाका प्रहरी कार्यालय दमकमा थप अनुसन्धान भइरहेको प्रहरीले जनाएको छ।
