_1693980289.gif "#")
विराटनगर/ विराटनगर महानगरपालिका–४ दुधफारम चोकमा बुधबार राति भएको सडक दुर्घटनामा सुनसरीका एक युवकको ज्यान गएको छ ।
प्रहरीका अनुसार राति करिब साढे ८ बजे चेकजाँचका लागि रोकिएको मिनी ट्रकमा मोटरसाइकल ठोक्किँदा बर्जु गाउँपालिका–६ का २८ वर्षीय पुष्पकुमार चौधरीको मृत्यु भएको हो ।
विराटनगरबाट नेमुवातर्फ जाँदै गरेको प्रदेश १–०२–००१ क ५१८९ नम्बरको मिनी ट्रकलाई प्रहरीले चेकजाँचका लागि रोकेका बेला पछाडिबाट आएको प्रदेश १–०२–००४६ प ६४०१ नम्बरको मोटरसाइकल तीव्र गतिमा ठोक्किँदा दुर्घटना भएको हो ।
गम्भीर घाइते भएका चालक चौधरीलाई उपचारका लागि नोबेल अस्पताल विराटनगर पुर्याइएको थियो । तर, उपचारकै क्रममा उनको मृत्यु भएको प्रहरीले जनाएको छ ।
घटनापछि ट्रकसहित चालक मोरङ बुढीगंगा गाउँपालिका–१ का ३१ वर्षीय सन्तोषकुमार आचार्यलाई प्रहरीले नियन्त्रणमा लिएको छ ।
