_1693980289.gif "#")
मोरङ/मोरङको बेलबारीमा जंगली हात्तीको आक्रमणबाट एक महिलाको मृत्यु भएको छ।
जिल्ला प्रहरी कार्यालय मोरङका अनुसार बेलबारी नगरपालिका–८ बाँसबारीकी ४५ वर्षीया अमिना राजवंशीको ज्यान गएको हो।
आइतबार बिहान घरनजिकैको खेतमा पानी सिँचाइ गर्न गएकी अमिनामाथि जंगली हात्तीले आक्रमण गरेको थियो। हात्तीको आक्रमणबाट गम्भीर घाइते भएकी उनलाई उपचारका लागि तत्काल विराटनगरस्थित न्यूरो अस्पताल लगिएको थियो।
तर, उपचारका क्रममा उनको मृत्यु भएको प्रहरीले जानकारी दिएको छ।
हात्तीको आक्रमणपछि स्थानीयवासी त्रसित भएका छन् भने वन्यजन्तुको नियन्त्रण र सुरक्षाको माग पनि उठ्न थालेको छ।
