_1693980289.gif "#")
धरान/ सुनसरीको धरानमा मर्निङवाकका क्रममा लडेका एक पुरुषको मृत्यु भएको छ।
मृत्यु हुने व्यक्तिको पहिचान तेह्रथुम म्याङलुङ नगरपालिका–१० घर भई हाल धरान–१५ श्यामचोक पूर्वपट्टी कञ्चनमार्गमा बसोबास गर्दै आएका ४१ वर्षीय भिमसुन्दर लिम्बुका रूपमा खुलेको छ।
ईलाका प्रहरी कार्यालय धरानका डिएसपी प्रकाश जबेगुका अनुसार मृतकको पहिचान उनकी श्रीमती चन्द्रकुमारी लिम्बुले गरेकी हुन्।
स्थानीयका अनुसार भिमसुन्दर आज (शनिबार) विहान मर्निङवाक जाँदै गर्दा धरान–१५ स्थित निराजन बस्तीको उकालोमा लडेका थिए। सोही स्थानमै उनको मृत्यु भएको बताइएको छ।
प्रहरीका अनुसार भिमसुन्दर उच्च रक्तचाप र मधुमेहका बिरामी थिए। प्रारम्भिक अनुमानअनुसार हृदयघातका कारण उनको मृत्यु भएको हुनसक्ने जनाइएको छ।
उनको शव पोस्टमार्टम गरी परिवारलाई जिम्मा लगाउने तयारी भइरहेको प्रहरीले जनाएको छ।
मृतकप्रति भावपुर्ण श्रद्धाञ्जली!
