_1693980289.gif "#")
झापा/ झापाको भद्रपुर नगरपालिका–५ का २० वर्षीय शङ्कर राजवंशीलाई जबरजस्ती करणी गरी १७ वर्षीया किशोरीलाई आठ महिनाको गर्भ बोकाउने आरोपमा प्रहरीले पक्राउ गरेको छ।
राजवंशीलाई कनकाई नगरपालिका–८, लक्ष्मीपुरमा लुकीछिपी बसिरहेको अवस्थामा जिल्ला प्रहरी कार्यालय झापाबाट खटिएको टोलीले पक्राउ गरेको हो।
प्रहरीका अनुसार, गत असोज २४ गते बिहान ४ः३० बजेबाट राति ९ बजेसम्म भद्रपुरस्थित एक होटेलमा राजवंशीले किशोरीलाई जबरजस्ती करणी गरेका थिए। करणीका कारण ती किशोरी आठ महिनाको गर्भवती भएकी छन्।
युवतीलाई घरमै सिकिस्त अवस्थामा भेटिएपछि स्थानीयवासीको सहयोगमा भद्रपुर नगर प्रहरीले बिहीबार साँझ उद्धार गरी उनलाई उपचारका लागि प्रादेशिक अस्पताल भद्रपुरमा भर्ना गरेको थियो।
पीडितकी बाबुले जिल्ला प्रहरी कार्यालय झापामा उजुरी दिएका थिए। उजुरीका आधारमा शुक्रबार राजवंशीलाई पक्राउ गरिएको जिल्ला प्रहरी कार्यालयले जनाएको छ। हाल उनी प्रहरी हिरासतमा छन् र घटनाबारे थप अनुसन्धान भइरहेको प्रहरीले जनाएको छ।
