_1693980289.gif "#")
धरान/अव्यवस्थित जीवनशैली र असन्तुलित खानपानका कारण समाजमा बढ्दै गएका दीर्घ रोगीहरुलाई लक्षित गरी परिवर्तनका लागि सामाजिक अभियानु नामक संस्थाले निःशुल्क स्वास्थ्य जाँच तथा औषधि वितरण गरेको छ।
धरान–१ स्थित धरान मोडल कलेजमा आइतबार आयोजना गरिएको ७८औं संस्करणको शिविरमा मुटुरोग विशेषज्ञ प्रा.डा. प्रशान्त शाहले जेष्ठ नागरिकहरुको स्वास्थ्य परीक्षण गर्नुभएको हो।
शिविरमा विशेष गरी मुटु रोग, मधुमेह र उच्च रक्तचापका समस्याबाट प्रभावित ६० वर्षभन्दा माथिका जेष्ठ नागरिकलाई लक्षित गरिएको थियो।
परिवर्तनका लागि सामाजिक अभियानका अध्यक्ष विष्णु बरालका अनुसार, प्रत्येक महिनामा दुई पटक यस्ता शिविर नियमित रूपमा सञ्चालन हुँदै आएको छ।
७८औं संस्करणसम्म आइपुग्दा हजारौँ जेष्ठ नागरिकले निःशुल्क स्वास्थ्य सेवा र औषधि लाभ उठाएको अध्यक्ष बरालले जानकारी दिनुभयो। यसपटकको शिविरमा ७५ जना उच्च रक्तचाप र मुटुरोगीलाई निःशुल्क उपचारसहित औषधि वितरण गरिएको छ।
सुनसरी उद्योग वाणिज्य संघका अध्यक्ष विजय श्रेष्ठले जेष्ठ नागरिकका लागि समर्पित यो मानवीय अभियानलाई प्रशंसनीय कदम भन्दै संस्थालाई धन्यवाद दिनुभयो।
अस्पतालसम्म पुग्न नसक्ने अशक्त जेष्ठ नागरिकलाई लक्षित गरेर निरन्तर सेवा पुर्याउँदै आएकोमा प्रा।डा। शाहको योगदान पनि उल्लेखनीय रहेको बताइएको छ। संस्थाले आगामी दिनमा पनि यो अभियानलाई निरन्तरता दिने जनाएको छ।
