धरान/सुच्चा राईकल्याणकारी समाजले आफ्नो २५ औँ वार्षिकोत्सवको अवसरमा जेष्ठ नागरिकलाई सम्मान गरेको छ । समाजले धरानका दुई जेष्ठ नागरिक र भवन निर्माणमा योगदान पुर्याउने एक व्यक्तिलाई विशेष सम्मान गरेको हो ।
धरान-२, भानुचौकस्थित लोकतान्त्रिक चौतारीमा आयोजित रक्तदान कार्यक्रम तथा सम्मान समारोहमा भोजपुरको रामप्रसाद राई गाउँपालिका-२ कटुञ्जे निवासी, हाल धरानमा बसोबास गर्दै आएकी ८६ वर्षीया गंगादेवी वास्तिम तथा मानेडाँडा निवासी ९८ वर्षीय मेघजित सुच्चा राईलाई सम्मान गरिएको थियो ।
समाजका अध्यक्षले भाषा, पहिचान र संस्कृतिको संरक्षणमा उहाँहरुले खेलेको भूमिकाको कदर गर्दै भविष्यमा पनि अग्रजहरूलाई सम्मान गर्दै जाने बताए ।
त्यस अवसरमा रक्तदान कार्यक्रमसमेत आयोजना गरिएको थियो । समाजका अध्यक्षका अनुसार रक्तदान कार्यक्रममा उल्लेख्य मात्रामा रगत संकलन भएको छ ।
सामाजिक कार्यमा सक्रिय रहेको समाजले भाषा, संस्कृतिलाई युवापुस्तामा पुर्याउने उद्देश्य राख्दै आएको छ ।
वार्षिकोत्सवका अवसरमा रक्तदान गर्दै आएको समाजले बीपी कोइराला स्वास्थ्य विज्ञान प्रतिष्ठान तथा नेपाल रेडक्रस सोसाइटी, सुनसरीमार्फत रक्त सञ्चार सेवाका लागि सहयोग पुर्याउँदै आएको जनाएको छ ।
