धरान/ असोज ११ गतेदेखि अविरल रुपमा आएकाे बर्षाका कारण प्राकृतिक विपदमा परेकाहरुको पीडामा मल्हम पट्टी गर्नको लागि सुनसरीमा कपडा सिलाएर व्यवसायी गरी जीविकोपार्जन गर्नेहरुले बाढी पीडितहरुको लागि नयाँ कपडा प्रदान गरेका छन् ।
सुनसरी उद्योग बाणिज्य संघ धरान मार्फत कपडा तथा सिलाई संघका पदाधिकारीले दुई सय थान लगाउने नयाँ कपडा सिन्धुली जिल्लाका बाढी पीडितहरुको लागि सिलाई तथा कटाइए व्यवसायी संघका कोशी प्रदेश अध्यक्ष हरि पोख्रेल सहित जिल्लाका पदाधिकारीहरुले सुवासंघ अध्यक्ष विजय श्रेष्ठलाई हस्तान्तरण गरेका थिए ।
उक्त कपडा धरानमा रहेका व्यवसायीहरुले स्वस्फुर्त रुपमा संकलन गरेर बाढी पीडितहरुको लागि सहयोग प्रदान गरेका हुन् ।
कपडा नेपाल कपडा तथा सिलाई व्यवसाय संघ सुनसरी तथा जिल्ला संघ (डिमेघा) मकवानपुरको सहकार्यमा वितरण गरिने ।
नेपाल कपडा सिलाई संघका केन्द्रीय उपाध्यक्ष फिराेज अलीले बताए।
