परदेशी घरदेशिसंग शंकाको घेरा भित्र कानुनको अदालत नै युट्युबेहरु हुन ?

व्यक्तिको सुख सन्तुष्टि र आत्मा निर्भरता परिवारसंगै जोडिन्छ । सुख–दुस्ख परिवारभित्रै बाँडिने विषय हो ।

वैदेशिक रोजगारीको प्राथमिक लक्ष्य पनि पारिवारिक दयित्वकै निर्वहन हो जस्तो लाग्छ, म गलत पनि हुन सक्छु ।

तर, हिजोआज तिनै बिषयहरु नै पारिवारिक विखण्डनको डरलाग्दो कारक बनिरहेको देखिन्छ ।

समाजमा बढ्दो आपराधिक गतिविधिबाट आफ्नो परिवार कसरी टाढा राख्ने भन्ने चिन्ताको बोझ बोकेर एउटा व्यक्ति घर परिवार छोड्न बाध्य छ।

शारीरिक आवश्यकताको तड्पाइ, मानसिक साथको कमी, भौतिक दूरीसँगै बढेको शंका–उपशंकाले सम्बन्धमा विचलन सुरु मात्रै होइन अन्त्य भएको पनि प्रसस्तै घटनाहरु देखिन्छ ।

अझ झन सामाजिक संजालको कुरा गर्ने हो भने त फनालो परदेशिएको यति महिना नबित्दै श्रीमती अर्कैसंग रंगेहात,श्रीमानले पठाएको यति र उति पैसा लिएर परपुरुषसंग श्रीमती कुलेलाम जस्ता बिषयहरुले चर्चा पाएको देखिन्छ।

त्यसमाथि पनि फलानो र डिस्कानो युट्युब च्यानलहरुले त डलर कमाई खाने भाडो नै बनाएको देखिन्छ।

मानौ,कानुनको अदालत नै तिनै युट्युबेहरु हुन ? यस्ता हर्कतहरुले एक परदेशी घरदेशिसंगै पनि विभिन्न शंका उपशंकाको घेरा उभिन बाध्य हुन्छ ।

गीतकार राम रेप्चुङ राई