‘बर एण्ड बधु’ को ‘तिमी सँग’ सार्वजनिक

धरान/नेपाली चलचित्रको जगतका लागि ‘बर एण्ड बधु’ नेपाली कथानक चलिचत्र दर्शक माझ आउने भएको छ ।

यही भदौ १४ गते उक्त चलचित्र प्रदर्शनमा आउने तयारी भइरहँदा उक्त चलिचित्रको पहिलो गीत सार्वजनिक गरिएको छ ।

लेखु सहयात्रीको शब्द, अर्जुन पोखरेलको संगीत, प्रताप दास र अन्जु पन्तको आवाज रहेको ‘तिमी सँग’ बोलको गीत आइतबार ओएसआर डिजिटलको अफिसियल युट्युब च्यानलबाट सार्वजनिक भएको हो स।  

गीतलाई कविराज गहतराजले कोरियोग्राफी गरेका छन् । रोमनियाको बिभिन्न रमणिय स्थानमा छायांकन गरिएको ‘बर ७ बधु’ को यो गीत पनि रोमनियामा गरिएको छ ।

रिलिज भिडियोमा आचल शर्मा र बिबेक कर्माचार्यको जोडी गज्जब देखिन्छ । गीतमा उनीहरुको केमेस्ट्री मिलेको छ,रोमान्टिक हुँदै गीतको अन्तिममा देखाएको दृश्यले सिनेमा कस्तो बनेको होला भन्ने कौतुहलता जगाउँछ ।

एलआरके प्रोडक्शनको ब्यारनमा निर्माण भएको ‘बर एण्ड बधु’ मा प्रदीप भारद्वाजको कथा , सफल निर्देशक मिलन चाम्सले निर्देशन रहेको छ ।

चलचित्रको निर्माता जानुमा थापा र कार्यकारी निर्माता अमित रिजाल हुन ।

नेपाल र रोमानियाका विभिन्न स्थानमा छायांकन गरिएको चलचित्रलाई रबिन्द्र न्यौपाने र अनिश स्याङ्देनले खिचेका हुन भने डिओपी सुदीप बराल हुन्।

नायक विवेक कर्माचार्यको डेव्यू

भदौ १४ गतेदेखि प्रदर्शनमा आउन लागेको चलचित्रमा आँचल शर्मा र नव–नायक विवेक कर्माचार्यको मुख्य भूमिका रहेको छ।

गरिमा शर्मा, विजु पार्की, हिमेश पन्त, श्रृष्टी खड्का, बिजय लामा, किरण केसी, कुसुम शर्मा, सरिता लामिछाने, रविन्द्र खड्का लगायतका कलाकारहरुको अभिनय रहेको छ।