वराहक्षेत्रमा जनप्रतिनिधि र किसानबिच अन्तरक्रिया गोष्ठी "संगम बिस्ट"

वराहक्षेत्र/ वराहक्षेत्र नगरपालिकामा किसान तथा जनप्रतिनिधि बिच कृषि कार्यक्रमको समिक्षा तथा अन्तरक्रिया गोष्ठी गरिएको छ ।

आगमि आर्थिक बर्ष २०८१/०८२ को नीति तथा कार्यक्रम र योजनामा समावेस गर्न उदेश्य सहित नगरपालिकामा रहेका कृषि सहकारीका पदाधिकारी, कृषि समुहका सञ्चालकहरुतथा अगुवा कृषकको सहभागितामा किसान तथा जनप्रतिनिधि बिच कृषि कार्यक्रमको समिक्षा तथा अन्तरक्रिया गोष्ठी गरिएको थियो ।

गोष्ठीमा किसानहरुले कृषिलाई प्रथामिकतामा राखेर बजेट बनाउनर नीति तथा कार्यक्रम निर्माण गर्न आग्रह गरेका थिए ।

त्यस्तै किसानले समयमै मल , बिऊ , बिषाधीको प्रयोग , सचेतना , अनुदान , सिचाई ,

बजारीकरण लगायतको बिषयलाई बोलेका थिए ।गोष्ठीलाई सम्बोधन गर्दै नगर प्रमुख रमेश कार्कीले कृषिलाई प्रथामिकता राखेर योजना बनाईने बताए ।

उनले किसानलाई पोत्साहन र आत्मनिर्भर बनाउन नगरपालिकाले माथिल्ला सरकारहरुसंग समन्वय र सहकार्य गरेर काम गर्ने बताए ।

आर्थिक बिकाश समितिमा संयोजक तथा वडा नं १० का अध्यक्ष तेजबहादुर गुरुङ्गको सभाध्यक्षतामा आयोजना भएको गोष्ठीमा प्रमुख अतिथि नगर प्रमुख रमेश कार्की रहेका थिए । 

गोष्ठीमा प्रमुख प्रशासकीय अधिकृत गणेश बहादुर कट्वाल , वडा नं २ का अध्यक्ष होमप्रसाद गौतम , वडा नं ६ का अध्यक्ष उद्बवप्रसाद पोखरेल,

वडा नं ७ का अध्यक्ष कपिल आचार्य , वडा नं ८ का अध्यक्ष रोशन खड्का , वडा नं ९ का अध्यक्ष निरञ्जन चन्द्रवशी मण्डल,

वडा नं १० का अध्यक्ष तेजबहादुर गुरुङ्ग ऋ, कृषि बिकाश शाखाका प्रमुख तुलसा लिम्बू , प्राबिधिक नरकुमार राई लगायत जनप्रतिनिधिज्युहरुको सहभागिता रहेको थियो ।