धरान/ सुनुवार सेवा समाज प्रदेश नं १ समितिले “पहिचान र समानताको लागी प्रतीबद्धता“ भन्ने मुल नाराका साथ दोश्रो सम्मेलन गर्ने भएको छ ।
कोशी प्रदेशका ११ वटा जिल्लामा रहेका सुनुवार समुदायले धरानको सैैनिक भवनमा बैशाख ८ गते देखि दोश्रो सम्मेलन गर्न लागेका हुन् ।
आईतबार सुनुवार सेवा समाजका १ नं. प्रदेश समितिका अध्यक्ष एसा सुनुवारले सुनुवार समुदायका मानिसहरु प्रदेशको १४ वटै जिल्लामा रहे पनि ११ वटा जिल्लामा मात्र संगठित भएका मात्र सम्मेलनमा सहभागी हुने पत्रकारहरु माझ बताईन् ।
उनले सम्मेलन २ दिन सम्म रहने सम्मेलनमा पहिलो दिन विभिन्न झाँकी र सुनुवार समुदायका ख्याती प्राप्त कलकारहरुको प्रस्तुति रहने बताईन् ।
अध्यक्ष सुनुवारका अनुसार, धरान १२ स्थित पब्लिक हाई स्कुल मैदानबाट विभिन्न सिली, झाकी, र्याली निकाली छाता चौक हुँदै माछा भौडीबाट कार्यक्रम हुने स्थान सैनिक भवनसम्म आउनेछ । प्रदेश स्वास्थ्य मन्त्री प्रदिप कुमार सुनुवारको प्रमुख आथित्यतामा समुद्घाटन हुनेछ ।
करिव ३ हजार जनाको जनसहभागीता रहने अनुमान गरिएको छ ।
दोश्रो दिन ९ गते बन्द सत्र कार्यक्रम हुनेछ । सुनुवार समुदाय आदिवासी जनजाति समुदाय मध्ये एक हो ।
सुनुवारहरुको मूलथलो रामेछाप, ओखलढुंगा, सिन्धुली, दोलखा जिल्ला मानिने गरिएको छ ।
नेपाली भाषामा सुनुवार, मुखिया भनिने यी जाति आफुलाई सुनुवार भन्नमा गर्व गर्दछन् । आफूहरुका वीचका बोलचालमा सुनुवारलाई कोईच भन्ने गर्दछन् ।