भारतमा प्राण प्रतिष्ठा: नेपालमा शोभायात्रा

धरान/ भारतको उत्तरप्रदेशस्थित अयोध्यामा नवनिर्मित राममन्दिरमा सोमबार प्राणप्रतिष्ठा गरिएको छ ।

श्रीराम जन्मभूमि तीर्थ क्षेत्र कोषका अनुसार भगवान रामको मूर्तिलाई १ सय १४ वटा घडाको औषधिय जल र विभिन्न तीर्थस्थलको पानीले स्नान गरिएको थियो । सरयु नदीबाट शुरु भएको प्राणप्रतिष्ठाको विधि सोमबार नै ‘अभिजित मुहूर्त’ मा समापन भएको छ ।

यसैको खुशियालीमा नेपालमा समेत विभिन्न संघ संस्थाले सोभायात्राको आयोजना गरेका छन् ।

मारवाडी सेवा समाज धरान, मधेशी सेवा समिति, नेपाल अन्तर्राष्ट्रिय कृष्ण भावनामृत सघ, आर्ट अफ लिभिङ लगायत अन्य संघ संस्थाले धरान ७ मा रहेको राममन्दिरबाट शोभायात्रा शुरु गरेर धरानको लक्ष्मीचौक, पुरानो बजार हुदै राम मन्दिरमा पुगेर सम्पन्न गरिएको थियो ।

कलस र व्यानर सहित सवारी साधनमा बालबालिकालाई राम र सीताको प्रतिक मानेर घुमाइएको थियो । हिन्दु धर्मशास्त्रमा पुरुषोत्तम रामलाई भगवनको रुपमा मानिदै आएको छ ।

भारतको अयोध्यामा गरिएको प्राण प्रतिष्ठानको खुशियालीमा शोभायात्राको आयोजना गर्ने संघ संस्थाले सोमबार राति नै घर घरमा दिप प्रज्वलित गरी दिपावली गरेका छन् ।

भगवान रामप्रति आस्था राख्ने तथा हिन्दु सनातन धर्मालम्बी लगायत विभिन्न संघ संस्थाले शोभा यात्राको आयोजना गरिएको मारवाडी सेवा समितिका उपाध्यक्ष रामस्वरुप शर्माले बताए । उनले भने, ‘भारतमा भगवान रामको प्राण प्रतिष्ठान गरिएको खुशियालीमा हिन्दुवादी संघ संस्था, विभिन्न संघ संस्थालृे संयुक्त रुपमा ¥यालीको आयोजना गरेका हौ ।’

अयोध्यामा भएको प्राण प्रतिष्ठामा भारतीय प्रधानमन्त्री नरेन्द्र मोदी लगायत विभिन्न सन्त महासन्तको समेत उपस्थिति रहेको थियो ।

बाबरी मस्जिद भत्काएपछि पुरानो मूर्तिलाई लामो समय अस्थायी त्रिपालको मन्दिरमा राखिएको थियो । लामो संघर्षपछि हिन्दुहरुले भगवान् रामको प्रतिमाको प्राणप्रतिष्ठा गरेका हुन् । अयोध्या हिन्दु र मुस्लिमका कारण लामो समयदेखि विवादमा पर्दै आएको थियो ।

सन् २०१९ मा नोभेम्बर ९ मा भारतको सर्वोच्च अदालतले अयोध्यायको सो भूमि राम जन्मभूमिको भनी फैसला गरेपछि राम मन्दिरको प्राणप्रतिष्ठा गर्ने बाटो खुलेको हो । सो ठाउँलाई ‘रामको जन्मस्थल’ भनेर अदालतले मान्यता समेत दिएको थिया  ।