पाख्रीवास ८की एक महिला दुई बर्षिय बच्चालाई छोडेर बेपत्ता

धनकुटा/  धनकुटाको पाख्रीवास नगरपालिका वडा नं ८ बाट एक महिला बेपत्ता भएकी छिन् । वेपत्ता हुनेमा पाख्रीवास ८ मुगा माईती घर भई मोरङ कानेपोखरी ४ बयरबन विवाह गरेकी अन्दाजी २२÷२३ बर्षकी झरना राई (राजवंशी) रहेकी छिन् ।

चाड पर्व मनाउन दशैमा माईती आएकी झरना तिहारको भाइ टिकाको भोलिपल्ट कार्तिक ३० गते देखि हराएको माईती पक्षले जनाएको छ ।

३० गते विहान औषधि किन्न जाने भनेर आफ्नो सानो २ बर्षको बच्चालाई छाडेर माईतीघरबाट निस्केकी झरना अहिलेसम्म नफर्केको र सम्पर्कमा पनि नआएको भाइ सागर राईले बताएका छन् ।

यसरी अकस्मात दिदी सम्पर्क विहिन हुँदा आफुहरुलाई अत्यन्तै दुःख, चिन्ता लागेको सागरले बताए ।

अहिलेसम्म आफ्नो आफन्त तथा छरछिमेककोमा खोजी गर्दा पनि झरना नभेटिएको सागरको भनाई छ ।