मोरङ / व्यापार संघ मोरङले सोमबार मोरङ व्यापार संघमा आएका नेपाल समाजवादी पार्टीका अध्यक्ष एवं पूर्व प्रधानमन्त्री डा. बाबुराम भट्टराईलाई संघका अध्यक्ष एवं नेपाल उद्योग वाणिज्य महासंघका केन्द्रीय सदस्य श्री नवीन रिजाल र नेपाल उद्योग परिसंघ कोशी प्रदेशका अध्यक्ष एवं नेपाल उद्योग परिसंघका उपाध्यक्ष श्री भीम घिमिरेलाई स्वागत गरी भेटघाट तथा छलफल गरिएको छ ।
संघका सचिव श्री संजय श्रेष्ठ द्वारा संचालित उक्त कार्यक्रममा संघका निवर्तमान अध्यक्ष श्री प्रकाश मून्दडा लगायत संघका पूर्व अध्यक्ष, महिला उद्यम समिति र युवा उद्यम समितिका संयोजक तथा परिसंघका पदाधिकारी, समितिका सदस्यहरु, कार्यसमिति सदस्यहरु, उद्योगी व्यवसायीहरु र संचारकर्मीहरुको सहभागिता रहेको थियो ।
