बिष्णुका विद्यार्थीलाई दुना–टपरी बुन्ने तालिम सम्पन्न

धरान / धरान स्थित बिष्णु माध्यमिक बिद्यालयका कक्षा ८,९ र १० का विद्यार्थीहरूलाई दुई दिने दुना –टपरी बुन्ने तालिम दिइएको छ। आधुनिक युगमा लोप हुँदै गएको परम्परागत सीप तथा सांस्कृतिक महत्व बोकेको दुना-टपरीको महत्व बुझाउदै कक्षाका ५० जना भन्दा बढी छात्र –छात्राहरूलाई तालिम प्रदान गरिएको हो ।

तालिमले परम्परागत सीपको विकास तथा सम्बर्द्धनमा टेवा पुग्ने विश्वास गरिएको छ। कार्यक्रम विष्णु मेमोरियल युवा रेडक्रस सर्कलको आयोजनामा सम्पन्न भएको थियो। तालिम गत असार १५ र १६ गते संचालन भएको हो। तालिममा विद्यालयका शिक्षिकाहरू ज्योत्सना लिम्बु, जुनी थापामगर र मन्जु सुबेदीबाहेक आमन्त्रित प्रमुख प्रशिक्षकको रुपमा धरान विजयपुर निवासी उषा कुमारी गुरागाईं रहनु भएको थियो।

तालिम समापन कार्यक्रममा उपस्थित अभिभावक भेषराज घिमिरेले विद्यालयले यस प्रकारको सीपमुलक तालिम विद्यालयले आयोजना गरेको र त्यसमा विद्यार्थीहरूलाई पनि सहभागी गराई जीवनोपयोगी शिक्षा तथा सीप सबैको लागि आवश्यक छ भन्ने सचेतना फैलाएको प्रती धन्यबाद दिए ।